İbrahim Paşa Hacı - ابراهیم پاشا حاجی

(حاجی _) سلطان محمد خان ثالث دوری وزراسندن اولوب، ابتدا قضاتدن ایكن، یانق سفرنده دفتردار، و بعده میرمیرانلقله حلب و الیسی اولدقدن صكره، وزارته ناىٔل اولوب، وزیر سادس ایكن، ١۰۰٩ تاریخنده چورمده رفع لوای عصیان ایتمش اولان جلالی قره یازیجی یه قارشی سردار تعیین

اولنه رق، قیصریه صحراسنده واقع محاربه ده سؤ تدبیری ثمره‌ سیله مغلوب و منهزم اولوب، قلعه یه قپانمش، و عسكرینك قسم كلیسی تلف اولمش اولدیغندن، عزل اولنه رق، قونیه ده متقاعد قالمشیدی. ١۰١٢ تاریخنده یاوز علی پاشانك زمان صدراتنده، مصر ویركیسنی قونیه دن درسعادته كتیرمكله، مصر والیكنه نصب اولنه رق، اون آی والیلك ابتدكدن صكره، مصر قوللری طرفندن شهید اولمشدر. درایت واقتداری معتدل بر آدم ایدی.