İbrahim Paşa - ابراهیم پاشا

(داماد _) سلطان احمد ثالث حضرتلرینك فوق العاده نظر التفات و محبتلرینی جلب ایتمش رجالندن اولوب، صهریت شرفنه ناىٔل اولمش، و پادشاه مشارالیهك اواخر سلطنتنده اون اوچ سنه یه قریب مدت مسند صدارتده بولنمشدر. اواىٔل احوالی (ابراهیم افندی) ماده لرینك اوچنجیسنده ذكر اولنمشدر. ١١٣۰ تاریخنده ركاب همایون قاىٔممقامالغندن صدارته ترفیع اولنه رق، كندیسی عاقل و مدبر بر وزیر ایدیسه ده، حربدن متنفر و ذوق و صفایه ماىٔل‌ اولمغله، زمان صدارتنده استانبولده سفاهت درجۀ اعتدالی زیاده سیله كچمشیدی. ابراهیم پاشانك بشكطاشده یاپدیرمش اولدیغی چراغان یالیسی امثالسز و شایان تماشا بر بنای معلا اولوب، حتی آره صره اورایه حضرت پادشاهی دخی دعوت ایدرمش؛ كاغدخانه ده وساىٔر میره لرده دخی كندیسی وساىٔر وكلا مكمل كوشكلر وباغچه لر یایدیره رق، ذوق و اكلنجه یی هر شیىٔه ترجیح ایتمكده ایدیلر. الحاصل كندیسی پك پارلاق بر زمان كچیره رك، انعام و احسانی دخی پك بول ایدیسه ده، عثمانلیلرك اسكی ساده احوالنك تبدلیله سفاهفته دوكلملرینه سبب اولوب، بونك زماننده روسیه دخی فرصت بوله رق، اسكی معاهده یی نقض، و لهستانه تجاوز ایتمشیدی. نهایت ١١٤٣ سنه سی ربیع الآخرنده سلطان محمود اولك جلوسلرینی انتاج ایدن وقعه ده قتل اولنه رق، جثه سی اشقیانك ید انتقامنه تسلیم اولنمغله، پاره لنمش؛ و یالكز بر قاچ پارچه سی خفیاً طوپلانه بیلوب، شهزاده جامع قربنده انشا ایتمش اولدیغی سبیل اتصالنده واقع خطیره ده دفن

اولنمشدر. كندیسنك طبیعت شعریه‌‌ سی دخی اولوب، حضرت پادشاهی دعوت معرضنده سویلمش اولدیغی شو قطعه جملۀ اشعارندر : نكاه التفاتك مایه عز وشان اولدی خطاب مستطابك روحجنش جسم و جان اولدی عجبمی قیلسه ك احیا مقدم لطفكله خنكارم قولك بر ذره یم ذاتك بكا مهر جهان اولدی صاحب ترجمه نك شهزاده باشنده دارالحدیث، جامع، كتبخانه، چشمه و سبیلی، كاغدخانه ده‌ جامعی و وطن اصلیسنده وساىٔر محللرده بر چوق خیراتی واردر.

اینجیتمش اولان نیجه اعیان و كبار رجالی قتل و اعدام ایتدیكی صره ده، بادىٔ دولتی اولان داماد محمد پاشانك اوغلی شق اول دفترداری عزت علی بكی دخی محل بعیده نفی ایتمك، و اوراده قتل ایتدیرمك اوزره، بر چكدیرمه تهیىٔه ایتمش اولدیغی حالده، كیفیت سمع همایونه واصل اولمغله، درحال عزل و محافظلقله آغریبوزه تبعید اولنمق اوزره، تهیىٔه ایتمش اولدیغی چكه یرمه یه كندیسی اركاب اولنمشدر. مدت صدارتی ١١٤٣ رجبنندن ١١٤٤ ربیع الاولنه دك سكز آیدر. مؤخراً آغریبوزدن رسمویه نقل ایله، اوراده اون سنه و الیلك ایتدكدن صكره، ١١٥٥ سنه سی اواخرنده قتل اولنمشدر. عاقل و ذكی ایدیسه ده، غرضكار، غدار و بد خصال بر شخص ایدی. حتی زمان صدارتنده تفرد هوسنه دوشوب، پایتخت سلطنت سنیه یی جزایر كبی بر اوجاقلق صورتنه افراع ایتمك فكر فاسدنده بولندیغی مرویدر.