İbrahim paşa Kethüda - ابراهیم پاشا كتخدا

(كتخدا _ ) بو دخی سلطان مصطفی خان ثانی و سلطان احمد خان ثالث دورلرنده ایكی دفعه قپودان پاشا اولمشدر. عن اصل موره لی اولوب، طریپولیچه قصبه سنده طوغمشدر. صدراعظم چورلیلی علی پاشانك كتخداسی ایكن، ١١١٨ تاریخنده، ولی پاشانك عزلی اوزرینه، قپودان دریا اولوب، اوچ سنه قپودانلق ایتدكدن صكره، ١١٢١ ده عزل اولنه رق، مصر ایالتی و الیلكنه نصب، و اورادن حلب و قدس و الیلكلرینه نقل اولنه رق، بر آره لق امیرا لحج دخی اولمش؛ و بعده قندیه و الیكنه تعیین اولنمشیدی. ١١٢٩ ده، جانم خواجه محمد پاشانك اولكی عزلی اوزرینه، ثانیاً مسند قپودانی یه اعاده اولنمش؛ وبر سنه مأموریتدن صكره، دوننما ایله قندیه یه واردیغنده، اوراده وفات ایتمشدر.