İbrahim Paşa - ابراهیم پاشا

خطۀ مصریه یی صورت ممتازه ره اداره ایتمكده اولان خاندان افرادینك ایكنجیسی و ادارۀ مذكوره یی تأسیسده مصرك مجددی اولان محمد علی پاشانك شریك ورفیقیدر. مشارالیه محمد علی پاشانك بیوك اوغلی ایدی، وبر روایته كوره ده عمیجه سی طوسون بكك اوغلی اولوب، محمد علی طرفندن آخرت اولادلغنه قبول اولنمشیدی. محمد علینك پدری برادری طوسوب بكله برابر قان دعواسندن طولایی آرناؤلقدن قواله یه هجرت ایتدكلری وقت، محمد علی كوچك اولوب، ابراهیم ایسه قواله ده ١٢۰٤ سنه سنده طوغمشدر.كوچك ایكن پدریله برابر مصره كیدوب، هنوز ١٦ یاشنده اولدیغی حالده، پدری طرفندن صعیدده عزبانك

مصر عسكری تنظیم ودوننماسی یكیدن انشا و اكمال اولنمشدر. بو وقته قدر محمد علی‌ ابراهیم پاشالرك دولته اولان بیوك بیوك خدمتلری‌ میدانده ایكن، بو دفعه مصرك قوۀ بریه و بحریه سنی تنظیم وتوسیعده كی همتلری خسرو پاشا طرفندن سلطان‌ محمود حضرتلرینه بشقه یولده و بشقه مقصده مبنی تصویر اولنه رق، طرفیندن امنیتك رفعنه سبب اولمغله، محمد علی پاشا موقع واستقبالنی تأمین ایچون، سوریه قطعه سنك دخی كندیسنك اداره سنه احاله سنی طلب ایتمش؛ و بوكا مساعده اولنمامسی اوزرینه، عكا والیسی عبدالله پاشا ایله اولان بر اختلافی وسیله اتخاذ ایده رك، ١٢٤٧ سنه سنده ابراهیم پاشا عكایی محاصره، و غزه، یافه و حیفایی ضبط ایده رك، پدرندن آلدیغی امر اوزرینه، بتون سوریه نك استیلاسنه تصدی ایدنجه، طرف دولتدن عصیاننه حكم اولنه رق، قارشیسنه عسكر كوندرلمش ایسه ده، او وقت دولتك احوال عسكریه سی صورت مطلوبه ده اولمیوب، یونان اختلالیله ساىٔر و قوعات مؤلمه دخی قوای مالیه و حربیۀ دولته سكته كتیرنش اولدیغندن، ابراهیم پاشا ١٢٤٨ سنه سنده دمشق شام اوكنده حسین پاشانك عسكرینه غلبه چالمغله، شامی اله كچیردكدن صكره، حلبی دخی ضبطله، حسین پاشایی دیكر ایكی دفعه دها مغلوب ایده رك، آناطولی قطعه سنه دخول ایدنجه، قارشیسنه رشید پاشانك قومانده سیله ٦۰۰۰۰ عسكر كوندریله رك، قونیه صحراسنده واقع اولان بر بیوك محاربه ده، رشید پاشانك اسیر دوشمسی اوزرینه، ابراهیم پاشا كوتاهیه یه قدر ایلریلمش ایسه ده، آوروپا دولتك مداخله سی اوزرینه، اوراده توقفه مجبور اولوب، ١٢٤٨ سنه سی ذی الحجه سنده عقد اولنان كوتاهیه معاهده سیله سوریه قطعه سی و آطنه ولایتی دخی مصره ترك اولنه رق، شام و آطنه ولایتی دخی ابراهیم ترك اولنه رق، شام و آطنه و الیلكی مشارالیه ابراهیم پاشایه تفویض اولنمشیدی. آلتی سنه صكره محاربه تجدد ایده رك، ابراهیم پاشا (نزیب) محاربه سنی قزانمش ایسه ده، اوروپا دولی مداخله ایدوب، انكلتره دوننماسی عكا و بیروتی طوپه طوتمش، و اسكندریه یی دخی تهدیده باشلامش اولدیغندن، ابراهیم پاشا سوریه و آطنه یی ینه طوغریدن طوغری یه دولت علیه نك اداره سنه تركله، مصره چكلمكه مجبور

تأدیبیله اسایشك اعاده سنه مأمور اولوب، سوق عسكر ایده رك، موفق اولمشیدی. مؤخراً جانب قبلی حاكمی ایكن، محمد علی پاشایه احاله ایدلمش اولان وهابیلرك دفع و تنكیلی مأموریتیله و جده و الیسی صفتیله جزیرة العربده بولنان محمد علی پاشازاده طوسون پاشانك و قوع وفاتی اوزرینه، ابراهیم پاشارتبۀ وزارتله جده و الیسی اولوب، وها بیلرك تنكیلی دخی كندیسنه احاله اولنمش؛ و ابراهیم پاشا عسكرینی فوق العاده صیقی بر نظام و انتظام آلتنه آلدقدن صكره، وادىٔ قسمیده و قوع بولان محاربه ده وهابیلرك رىٔیسی اولان عبدالله بن سعودی كاملاً منهزم و اقربا ورؤساسندن بر چوغنی قتل ایله، وهابیلرك مركزی اولان درعیه یه چكلمكه مجبور ایتمش؛ و درعیه یی دخی محاصره ایده رك، ١٢٣٣ سنه سی اواخرنده ضبط ایتمش؛ و مرقوم عبدالله ایله عبدالوهابك اولادینی وساىٔر رؤسای وهابیانی اله كچیرمشدر. بو وجهله عربستانی وها بیلرك شرندن تطهیر، و حرمین شریفینی تأمین ایتدكدن صكره، مصره عودت ایده رك، محمد علی پاشا طرفندن نوبه و سودانه طوغری توسیع ممالكه مأمور اولمغله، سنار وكردفان ایله اوحوالی یی دخی ضبطله، حدود مصریه یی خیلیدن خیلی توسیع ایتمشدر. كندیسی مصره عودتندن صكره سودانده برادری اسماعیل پاشا سودانیلر طرفندن اوتوردیغی قوناغك طوتیشدیرلمسیله احراق اولنمشدر. او صره ده موره اختلالی ظهور ایدوب، كوندن كونه توسع ایتمكده اولدیغندن، ابراهیم پاشایه موره و الیلكی توجیه بیوریله رق، عساكر مصریه و عثمانیه ایله اختلالی باصدیرمغه مأمور اولمغله، مصردن مكمل بر اردو و دوننما ایله موره یه عزیمت، و ابتدا ارباب عصیانی رفق و ملایمتله داىٔرۀ اطاعته كتیرمكه چالیشمش ایسه ده، ممانعت و تمردلرینی كورنجه، استعمال قوت و شدت ایده رك، آز زمان ایچنده موره ویونانده عصیان اثری براقمامش، و كریدده ظهور ایتمش اولان اختلالی دخی باصدیرمش ایسه ده، انكلتره و فرانسه ایله روسیه دولتلری متفقاً دوننما كوندره رك، ناواریتده بولنان عثمانلی و مصر دوننماسنی احراق، و براهیم پاشایی مصره عودته اجبار ایتمشلردر. بو صره ده محمد علی پاشا مصرده عساكر منتظمه ترتیبیله مشغول اولوب، ابراهیم پاشانك دخی معاونتیله آز زمان ایچنده

اولمشدر. بو دفعه محمد علی پاشایه خلف اولمسی تقرر ایدوب، آنجق مشاق سفریه دن صحتی مختل اولدیغندن، لاجل التداوی، آوروپایه بر سیاحت ایدوب، ایتالیا، فرانسه و انكلتره یی كزمش، و علی الخصوص یارسده لویی فلیب طرفندن فوق العاده بر صورتده استقبال اولنمشدر. مصره عودتنده پدری ضعت و هرم و عتهه مبتلا اولمغله، ١٢٦٢ تاریخنده ادارۀ اموری كندیسنه براقمش؛ و ١٢٦٥ ده درسعادته كلوب، رسماً مصر و الیلكی عهدۀ استیهالنه تفویض اولنمش ایسه ده، مصره عودتنی متعاقب و پدرینك وفاتندن بر قاچ آی اول ارتحال ایتمشدر. ابراهیم پاشا فن حرب و سوق الجیش نقطۀ نظرندن دنیانك اك بیوك آدملرندن معدود اولوب، محمد علی پاشانك موفقیتنه پك چوق یاردیمی اولمشدر. عسكرك ضبط وربطنه فوق العاده دقتلی اولوب، بو بابده زیاده شدت كوستردیكی كبی، او شدتدن كندی نفسنی دخی استثنا ایتمیه رك، سفرده ییوب ایچمه ده ویاقوب قالقمه ده عادی نفرلردن بر فرقی یوغیدی، و اك بیوك تهلكه لره القای نفس ایتمكدن چكنمزدی. جسارتی، متانتی و علوعزمی امثالسز ایدی. ضبط وربطك محافظه سیله ادارۀ مملكتده كت مهارت واقتدارینی سوریه ده اثبات ایتمشدر. طنطنه و دبدبه یی سومیوب، بتون دقتی معموریت بلاد و علی الخصوص ترقیٔ زراعته منعطف ایدی. الحاصل جسور، عاقل، مدبر و عادل بر وزیر ایدی. اوچ اوغلی اولوب، بیوكی اولان احمد پاشا وزارت رتبه سنی احراز ایتدكدن صكره، مغروقاً وفات ایتمشدر. ایكنجیسی خدیو سابق اسماعیل پاشا حضرتلری؛ و اوچنجیسی ده دولت علیه و كلای فخامندن اولوب، درسعادتده ارتحال ایتمش اولان مصطفی فاضل پاشادر.