İbrahim paşa - ابراهیم پاشا

قانونی سلطان سلیمان حضرتلرینك دور سلطنتلری صدراعظملرندن اولوب، ٩٢٩ تاریخندن ٩٤٢ تاریخنه دك ١٧ سنه صدارت ایتمشدر. عن اصل جنوه لی اولوب، كنج ایكن غزاة اسلامیه دن بری طرفندن اسیر ایدیله رك، سرای همایونه اتحاق اولنمغله، خدمت پادشاهیده بولنه رق، كندیسی غایت فطین و حسن اخلاق صاحبی اولدیغندن، زیاده سیله نظر توجهلرینی قزانوب، خاص اوطه باشلیق خدمتنه تعیین، و بعده ایج شاهنجیلر آغالغی ده كندیسنه علاوه اولنمشیدی. ٩٢٩ تاریخنده، پیری پاشانك عزلیله، ابراهیم پاشا وزارت رتبه سیله صدراعظم اولمش، وروم ایلی ایالتی دخی مأموریتنه ضماولنمشدی. ٩٣۰ تاریخنده مصر ایشلرینی نظامنه رجاعه مأمور اولوب، بحراً اوطرفه عزیمت ایتمش ایسه ده، هوالرك عدم مساعده سیله، دكیزدن كیتمك میسر اوله میوب، ردوسدن منتشا ساحلنه كچه رك، آنا-

طولی و سوریه طریقیله مصره كیتمش؛ و كچدیكی یرلرده بر چوق اصلاحات و منع تعدیات ایتدیكی كبی، مصر ایشلرینی دخی یولیله تسویه یه موفق اولمشدر. ٩٣١ ذی القعده سنده ردسعادته عودت ایدوب، بو موفقیتدن‌طولایی حقنده التفات پادشاهی تضاعف ایتمشدی. ٩٣٣ تاریخنده حاجی بكناش ولی حضرتلرینك آستاننده جانشین اولان قلندرك احداث ایتدیكی شورشك تسكینییچون آق سرای جهتنه كیده رك، بعد الموفقیه عودت ایتمشدر. بو دین، ویانه و عراق سفرلرنده دخی سلطان سلیمان حضرتلرینك معیتلرنده بولنه رق، پك چوق خدمتلری كورلمشدر.‌ ٩٣٥ سنه سی رجبنده مسند صدارته ضمیمةً سرعسكرلك دخی ویریله رك، كندیسنك كافۀ امور دولتده دستور مكرم اولدیغنی مشعر فرمان همایون صدرو ایتمشدر. بو درجه التفات پادشاهی یه ناىٔلیتی وهر مأمور اولدیغی ایشده، نفوذ پاسشاهی سایه سنده، موفقیتی غرور و نحوتنی موجب اولوب، علی الخصوص بغداد سفرینه قرار ویریلوب ده، تداركات سف%

تشریف بیوره رق، مزین تخت قورلمشیدی. سلطان سلیمان حضرتلرینك ابراهیم پاشانك اعدامندن صكره كندیسنه پك آجیدیغی، و حتی زیرده كی قطعه یی سویلیوب آغلادیغی مشهوردر: قلبمی آرز آذر ابراهیم یاقدك اماكه اضطراری دكل بنی بر آتشه براقدك كیم نار نمرود آنك شراری دكل صاحب ترجمه قوم قپو قربنده اسمیله یاد اولنور بر جامع بنا ایتمشدر.