İbrahim Paşa - ابراهیم پاشا

(قره _) سلطان محمد خان رابعك اواخر سلطنتنده ٢ سنه صدراعظم اولمشدر. عن اصل بایبوردلی اولوب، ١۰٣۰ تاریخنده طوغمش،‌ و ابتدافراری مصطفی پاشانك ایج اوغلانی اولمغله، مشارالیه مصر و الیسی اولدقده، اوراده قپوجیلر كتخداسی اولمشیدی. مؤخراً مصطفی پاشا عزل اولنوب، فرار ایتمكله، كندیسی مقابله جیلر زمره سنه داخل اوله رق، كهله لی احمد پاشایه، بعده سلستره بكلر بكیسی مصطفی پاشایه كتخدا اولمش؛ و ١۰٧٣ ده افندیسی ركاب همایون قاىٔممقامی اولنجه، صاحب ترجمه دخی (قره كتخدا) نامیله شهرت بولمشیدی. ١۰٨٣ ده ابتدا كوچك و متعاقباً بیوك میراخور، و ١۰٨٧ سنه سی رمضاننده ركاب همایون قاىٔممقامی اولوب، ١۰٨٨ ده قپودانلق مسندی دخی عهده سنه علاوه اولنمشدی. ١۰٩٥ سنه سی محرمنده مسند صدراتی احراز ایدوب، او صره ده مجارستان سفری آچلمش اولمغله، او طرفده كی عساكر عثمانیه نك سرداری وزیر مكرم ابراهیم پاشایه ارزاق و مهمات یتیشدیر-

مكه جهد ایتمش ایسه ده، كندیسی بالذات سفره كیتمك امرینی آلمش اولدیغی حالده، دشمنی قوتلی كوردیكندن، مغلوبیت قورقوسیله، كیتمكدن امتناع و تمارض ایده رك، ادرنه ده قالمش اولدیغندن، صدارت بر مدت وكالةً سلیمان پاشا طرفندن اداره اولنمش، و ١۰٩٧ سنه سی محرمنده سلیمان پاشا اصالةً صدراعظم اولوب، ابراهیم پاشا عزل اولنمشدر. ابتدا عزلیله اكتفا اولنه رق، استدعاسی اوزرینه، ایفای حج شریف ایتمك اوزره، حجازه كیتمسنه مساعده اولنمش ایسه ده، ایام اقبالنده آزرده ایتمش اولدیغی بعض رجال دولتك القاآتیله، اموالی مصادره، و كندیسی ردوس جزیره سنه نفی اولنه رق، ١۰٩٨ ده اوراده محنوقاً وفات ایتمشدر. هر نه قدر عاقل و فطین ایدیسه ده، حریص و متكبر بر شخص اولوب، دولت بونك یوزندن بر فاىٔده كوره مه مشدر.