Araruo ~ آرارو
Kamus-ul'Alam - Araruo ~ آرارو maddesi. Sayfa: 72 - Sira: 5
Araruo - آرارو
(كهچر) قبیله سنه منسوب اولوب، دهلی حكمدارلرندن محمد شاهك زماننده هندستانك (اله آباد) قطعه سنده (كورا) زمینداری (یعنی محافظی) ایكن، دهل حكومتنك ضعفندن استفاده ایله، ١١٤٤ تاریخ هجریسنده (كورا) چكله داری (یعنی والیسی ) و وزیر نواب
قمرالدینك قاینی اولان نواب جان نثار خانی قتل، واعلان استقلال ایلمشیدی. نواب جان نثارك اوغلی اعظم الدین خان بر مقدار عسكرله بونك تربیه سنه مأمور اولمش ایسه ده، آرارو اورمانلره چكیلوب، غالبانه مقاومت ایتمكله، اعظم الدین خان عسكرینك قومانده سنی خوارزم بك خانه براقوب، دهلی یه عودت ایتمش؛ و (آرارو) بوندن جسارت آله رق، اوراده قالان عسكرك اوزرینه هجومله، قوماندانلرینی قتل، وعسكری پریشان ایتمش ایسه ده، وزیر قمر الدین خان، بونك تربیه سیچون، (اوده) والیسی بر هان الملك سعادت خاندن استمداد ایتمكله، سعادت خان ١١٤٨ تاریخنده آرارونك اوزرینه سوق عسكر ایدوب، بعد الحاصره، كندیسنی قتل، وباشنی دهلیده محمد شاهه ارسال ایتدیكی كبی، درسنی دخی یوزوب، صمانله طولدیره رق، وزیر قمرالدین خانه كوندرمشدر.
Kamusul Alam, Şemseddin Sami; Kamusul Alamde Araruo maddesi. osmanlıcada Araruo ne demek, Araruo anlamı manası, Araruo osmanlıca nasıl yazılır. Osmanlıca sözlükte Araruo hakkında bilgi. Arapça Araruo ne demek. Arapça osmanlıca sözlük. Farsçada Araruo anlamı
Kamusul Alamde - آرارو Araruo maddesi. Şemseddin Sami, Kamusul Alam Ansiklopedisi