Arago ~ آراغو
Kamus-ul'Alam - Arago ~ آراغو maddesi. Sayfa: 74 - Sira: 4
Arago - آراغو
فرانسوآ _ . فرانسه نك اعاظم علماسندن اولوب، (پیرنه) سلسلۀ جبالنك شرق طرفلرنده (استاژل) شهرنده ١٧٨٦ تاریخ میلادیسنده طوغمش، و ١٨٥٣ تاریخنده وافت ایتمشدر. پدری عن اصل اسپانیول اولوب، (پرپینیان) شهرنده ضربخانه مأموری ایدی. ((جامع الصنایع)) مكتبنده اكمال تحصیل ایتدكدن صكره، پارس هندسه خانه سنك كاتبی اولوب، ١٨۰٦ تاریخنده كرۀ ارضك اولچیسنی تحقیقه مأمور اولان موسیو (بیو) یه معاون نصب اولنمش؛ و، بو وظیفه سنی اجرا زیچون، طولاشیر كن، جاسوس ظن اولنه رق، اسپانیا ده توقیف اولنوب، پك چوق زحمت وتهلكه لردن صكره فرانسه یه عودت ایده بیلمشیدی. او وقت، ٢٣ یاشنده اولدیغی حالده، فرانسه نك فنون آقادمیاسنه اعضا، وجامع الصنایع مكتبنه معلم تعیین اولنمش؛ مؤخراً رصدخانه وهندسه خانه مدیریتنه، جامع الصنایع مكتبی مجلس عالیسنك اعضالغنه، ونهایت ١٨٣۰ ده فنون آقادمیاسنك كتابت داىٔمیه سنه چكمش. بر سنه صكره وطنی طرفندن مبعوث انتخاب اولنه رق، اصول انتخابك تعدیلی حقنده ایراد ایتدیكی نطقلرله شهرت بولمش، و او درجه ده محبت عامه یه مظهر اولمشیدی. كه ١٨٤٨ تاریخنده واقع اولان انقلابده اتفاق آرا ایله حكومت موقته باشنه چكیریلوب، جمهوریت مفرطه اضحابنه
یازمش، و ١٨٧۰ ده بر مدت پارس شهر امینی بولنمشدر. _ آراغونك اوغلی (امانوىٔل آراغو) دخی ١٨٧۰ ده تشكل ایدن (( تدافع ملی)) حكومتی هیىٔتنه داخل اولمشدر.
Kamusul Alam, Şemseddin Sami; Kamusul Alamde Arago maddesi. osmanlıcada Arago ne demek, Arago anlamı manası, Arago osmanlıca nasıl yazılır. Osmanlıca sözlükte Arago hakkında bilgi. Arapça Arago ne demek. Arapça osmanlıca sözlük. Farsçada Arago anlamı
Kamusul Alamde - آراغو Arago maddesi. Şemseddin Sami, Kamusul Alam Ansiklopedisi