Aracan ~ آراقان
Kamus-ul'Alam - Aracan ~ آراقان maddesi. Sayfa: 77 - Sira: 6
Aracan - آراقان
(یاخود) هند چینیده بنكاله كورفزینك ساحل شرقیسنده (برما) یاخود (بیرمان) الكاسندن انكلیز ك النده بولنان مملكتی تركیب ایدن اوچ قطعه نك بریدر، كه اصل اسمی (راخاینغ) در. آراقان قطعه سی طار واوزون بر ساحلدن عبارت اولوب، شرقاً (یوما دانع) یعنی (( یوما طاغی )) ایله نفس (برما) و (پغو) قطعه لرندن آیرلمشدر. شمالاً هندك بنكاله مملكتیله محدود اولوب، َ١۰ ْ٢١ عرض شمالی و ً٥١ َ٤٣ ْ٨٩ طول شرقیده واقع فیل برونندن باشلایوب، جنوبه طوغری اوزانه رق، ً٣۰ َ٨ ْ١٦ عرض شمالی و ً٥١ َ٥٢ َ٩١ طول شرقیده واقع (نغراىٔیده) بروننه منتهی اولور، كه بو وجهله طولی ٣٤٦ كیلومتره اولور. شمال طرفنده سلسلۀ جبال ساحلدن ١٤٥ كیلومتره قدر اوزاق اولوب، مملكت اولدقجه واسع ایسه ده، جنوبه طوغری اوزاندقجه، ساحله یاقلاشوب، (نغراىٔیده) برونی قربنده ساحل ایله طاغك آراسنده آنجق بش آلتی كیلومتره لك مسافد واردر. سطحی ٤٨۰۰۰ مربع كیلومتره دن عبارتدر. آراقان ساحلنك بر مقداری آطه لر، قیالر وصیغلرله مسدود اولوب، بو آطه لرك اك بیوكلری (رامیی) ایله (چدوبه) آطه لریدر. طاغلردن بر چوق نهرلر اینیور سه ده، مسافه سی آز اولدیغندن، بونلر بیوجك دره لردن عبارت اولوب، اك بیو كلری نسبةً واسعجه اولان شمال طرفنده كیلردر، كه بونلرك ده اك اهمیتلیلری (قولادینغ) ایله (لیمرو) نهرلریدر؛ ایكنجیسنه (آراقان نهری) دخی دیرلر. بو ایكی نهرك مجراسی بربرینه قریب اولوب، بیتلرنده بر چوق جدوللرله اختلاط حاصل اولمشدر. ایكنجی درجه ده كیلر دخی ناف، مایو، دالك وساىٔره در. (مایو)، (قولادینع) و (لیمرو)
نهرلرنده ایكی اوچیوز طو نیلاته لق كمیلر منصبلرندن اللی آلنمش كیلومتره یوقاری یه قدر چیقه بیلیر. سلسلۀ جبالك شمال طرفنده ٢۰۰۰ متره یه قدر ارتفاعی وار ایسه ده، جنوبه طوغری اوزاندقجه، آلچاقلانیر. مملكتك تكمیلی بر طاغ صورتنده اولوب، شمال طرفنده مردیون شكلنده بربرندن یوكسك اووه لری واورمانله مستور وادی ودره لری واردر. ساحلك اكثر طرفلری قوملق ایسه ده، بیوك نهرلرك مجرا ومنصبلرینك اطرافی غایت منبتدر؛ آنجق هنوز اصلاح واعمار اولنمدیغندن، اكثر طرفلری فاىٔده سز اورمانلر وچالیلرله مستور قالوب، ایشلنن یرلری پك آزدر. (تك) دنیلن بر نوع ذی قیمت آغاجله قوقه ومیشه آغاجلری چوق اولوب، نهرلر واسطه سیله ایندیرلمكله، بر قاچ سنه دن بری كراسته تجارتی ترقی ایتمكده در. پورتقال و لیمونی آز ایسه ده، آناناس كبی میوه ویا چیچكندن طولایی مقبول آغاجلری چوقدر. قیرمزی بوبر، قاىٔون، قارپوز، شكر قامشی، چوید، پموق، توتون وساىٔره محصولاتی بولدر. اك زیاده زرع اولنان حبوبات پرنج اولوب، اهالینك معیشتی همان بوكا مخصردر. انكلیزلر بو مملكتك مرتفع محللرنده چای یتیشدیرمك جهدنده بولنیورلر. طوزله لری دخی اولدقجه بر وارداتدر. حیوانات وحشیه سی وازجمله فیل، كركدان ، قپلان، پارس، آیی، طوموز، یبانی كدی، مسك كدیسی، بر نوع پورسوق ومیمونك انواعی چوقدر؛ واورمانلری كیك انواعیله مملودر. قوشلری دخی چوق وكونا كونا تویلرله مزین اولدیغی كبی، نهرلریله ساحلی ده بالیغك انواعیله مملودر. آنجق حشرات مضره و مهلكه سی دخی بو نسبتده اولوب، ییلانك (بو آقونستر یقتور) و (پیتون) دنیلن جسیم نوعلری، نهرلر ده (آلیغاتور) دنیلن بر نوع تمساخلر ودكیزده كوپك بالیقلری بولنور. آراقانك فصول اربعه سی اولمیوب، اقلیمی مقتضاسنجه، بر یاغمور موسمیله برده قوراقلق موسمی واردر. یاغمور موسمی مایسك ابتداسندن باشلایه رق، تشرین اولك اواخرینه قدر آلتی آی سورر، وعلی الخصوص حزیران وتموز وآغستوسده‌متمادیاً وپك چوق یاغمور یاغار. یاغمورلر موسمنده درجۀ حرارت ٢٦ ونهایت ٢٨ سانتیغراد درجه سنی تجاوز
ایتمز. تشرین ثانینك اواخریله كانون اولك ابتدالرینده، یعنی یاغمورلر كسلدكدن صكره، درجۀ حرارت ٢٨ و ٢٩ ە قدر چیقارسه ده، درعقب هواصونویوب، شناطه قدر درجۀ حرارت ١۰ ایله ١٥ آره سنده بولنور، كه اك كوزل موسمی ده بودر. شباطدن صكره ینه درجه چیقمغه یاشلایوب، علی الخصوص نیسانده صیجاق ٣٥ درجه یه قدر چیقار، كه قك ضیجاق موسمی بو اولوب، بو آیده نباتات صیجاقدن قورویوب صولمغه باشلارسه ده، درعقب یاغمورلرك كلمسیله یكیدن جانلانور. هوالرك بردن بره واقع اولان بو تبدللری صحت حقنده تهلكه لیدر. بو قطعه (برما) نك انكلیزلرك النده بولنان قسمنك منقسم بولندیغی اوچ ایالتك بری اولوب، درت سنجاغه تقسیم اولنمشدر: برنجیسی (آ كیاب ) سنجاغی اولوب، ١٢ قضایه منقسم، سطحی ١٢٥٨٢ مربع كیلومتره دن عبارت و ٢٦٣١٥٢ اهالی یی جامعدر؛ مركزی (آ كیاب) شهریدر. ایكنجیسی (رامری) سنجاغی اولوب، جزایردن عبارت ٥ قضایه منقسم، سطحی ١١١٦۰ مربع كیلومتره دن عبارت، و ١٤۰٩١٩ اهالی یی جامعدر؛ مركزی (رامری) آظه سنده كی (رامری) شهریدر. اوچنجیسی (ساندوای) سنجاغی اولوب، ٣ قضایه منقسم، سطحی ٩٤٩٧ مربع كیلومتره دن عبارت، و ٥۰١١٧ اهالی یی جامعدر؛ مركزی (ساندوای) شهریدر. دردنجیسی (نورت آراقان ) یعنی (( آراقان شمالی )) اولوب، یالكز بر قضاسی واردر، و‌سطحی ١٤٧٥٢مربع كیلومتره دن عبارت اولوب، ٦٩٤٨ اهالی یی جامعدر؛ مركزی (آراقان) و نام دیكرله (میوهو لغ) شهریدر. آراقان شهری اسكی اهمیتنی غاىٔب ایدوب،
طاغلرك آره سندن ایشلك بریول آچمشلردی. انكلیز لرك ورودندن صكره ایسه تجارتك هپسی اونلرك النه چكوب، آكیاب شهر نده ودكیز طریقیله اجرا اولنمغه باشلامش، و مملكتده یول بیله قالمامشدر. آراقان مملكتی ازمنۀ قدیمه دن بری هندستان ادیاننك هند چینی یه چكه جك طریقلری اولمق مناسبتیله اهمیتی حاىٔز اولوب، بر حكومت مستقله صورتنده بولنمشدر. میلادك ١٧٣١ تاریخنده آراقان حكمدارینك النده بولنان اكثر قباىٔل استحصال استقلال ایتمش، و ١٧٨٤ ده آراقانك كندیسی دخی (آوه) حكمداری طرفندن ضبط اولنوب، بر ما حكومتنه الحاق اولنمشیدی. ١٨٢٣ ده (آوه) حكمداریله كلكته نك انكلیز حكومتی آره سنده، بر حدود منازعه سندن طولایی محاربه آچیلوب، بونك نتیجه سی اوله رق، ٢٤ شباط افرنجی ١٨٢٦ تاریخیله عقد اولنان معاهده آراقان ایله (تنا سریم) قطعه لرینی انكلتره یه ترك ایتمشدر.
Kamusul Alam, Şemseddin Sami; Kamusul Alamde Aracan maddesi. osmanlıcada Aracan ne demek, Aracan anlamı manası, Aracan osmanlıca nasıl yazılır. Osmanlıca sözlükte Aracan hakkında bilgi. Arapça Aracan ne demek. Arapça osmanlıca sözlük. Farsçada Aracan anlamı
Kamusul Alamde - آراقان Aracan maddesi. Şemseddin Sami, Kamusul Alam Ansiklopedisi