Aracan ~ آراقان
Kamus-ul'Alam - Aracan ~ آراقان maddesi. Sayfa: 79 - Sira: 2
Aracan - آراقان
ونام دیكرله میو هو نغ آراقان قطعه سنده بر شهر در، كه مملكت انكلیز لرك الینه چكمزدن اول آراقان مملكتنك مركزی بولنمش، وشمدیكی حالده یالكز ( شمالی آراقان) سنجاغنك مركزی اولوب، كرك مركزیتنی وكرك اهمیت تجاریه سنی ساحلده نولنان (آ كیاب) شهری غصب ایتمشدر. تپه لرله محاط و ایكی نهر آره سنده آچلمش بر چوق جدو للر له چیزلمش براووه نك اورته سنده اولوب، ساحلدن ١۰۰ كیلومتره قدر مسافه ده و َ٣٥ ْ٢۰ عرض شمالی ایله ً٣۰ َ٣ ْ٩٣ طول شرقیده واقعدر. اسكی بر شهر اولوب، وقتیله (بوده) دیننك مراكز روحانیه سندن بولنمش. ومیلادك ١٤٣۰ تاریخنده پایتخت اتخاذ اولنه رق، استحكاماتله ومتین بر سورله احاطه اولنمشدر. بو سورك خارجنده، اطرافنده كی تپه لری بربرینه ربط ایتمك اوزره، داىٔراً مادار ١٤ كیلومتره لك بر ایكنجی سورچكلمش؛ و اوچ سورله محاط بر ایج قلعه دخی انشا اولنمشدر. بو انشا آت بر عصرده اكمال اولنمشدر. بو استحكامات انكلیز لرك ورودنده تمامیله قاىٔم، وشهر یوز بیكی متجاوز نفوسی حاوی اولوب، یالدیزلی قبه لریله شعشه پاش اولان بر چوق جسیم ابنیه سی وار ایدی. بوكون ایسه اهالیسی ٣٣۰۰ ە قدر النمشدر.
اصل شهرك اسمی (میاو هو لغ) اولوب، انكلیزلر نو نی (میو هو نغ) ە تحویل، واكثریا مملكتك اسمیله تسمیه ایتمشلردر.
Kamusul Alam, Şemseddin Sami; Kamusul Alamde Aracan maddesi. osmanlıcada Aracan ne demek, Aracan anlamı manası, Aracan osmanlıca nasıl yazılır. Osmanlıca sözlükte Aracan hakkında bilgi. Arapça Aracan ne demek. Arapça osmanlıca sözlük. Farsçada Aracan anlamı
Kamusul Alamde - آراقان Aracan maddesi. Şemseddin Sami, Kamusul Alam Ansiklopedisi