Aratus ~ آراتوس
Kamus-ul'Alam - Aratus ~ آراتوس maddesi. Sayfa: 70 - Sira: 9
Aratus - آراتوس
آخاىٔیا ماده سنده بیان اولنان آخاىٔیا هیىٔت اتحادیه سنك قوماندانلرندن اولوب، قبل المیلاد ٢٧٢ تاریخنده موره نك (سیكیون) شهرنده طوغمش، و (آرغوس) شهرنده رتربیه اولنه رق، وطننه عودتنده ، اورایی غصب ایتمش اولان (نیقولس) اسمنده بر ظلم حكمداری طرد ایله، (سیكیون) ی آخاىٔیا هیىٔت اتحادیه سنه ادخال ایتمش؛ واو وقت پك كنج اولدیغی حالده، بو هیىٔت اتحادیه نك ریاستنه انتخاب اولنه رق، قبل المیلاد ٢٤٣ تاریخنده ماكدونیا حكمدارلرندن، (آنتیغون) ی دفع ایله (قورنته) شهرینی قورتارمش؛ ویونانك بتون وسطی طرفلرینی هیىٔت اتحادیه یه جلب ایتمش ایسه ده، (اتولیا) ایله (لاكدمونیا) اهالیسی قارشی طوروب، اسپارطه حكمداری (قلىٔومن) اعلان حرب ایله، كندیسنی مغلوب ایتدیكندن، ماكدونیا حكمداری (آنتیغون) ایله ومؤخراً اونك خلفی بشنجی فلیبله عقد اتفاقه مجبور اولمش؛ ومرقوم فلیب، اتولیالیلری ازمك ایچون، آراتوسی آلت اتخاذ ایتدكدن صكره، قبل المیلاد ٢١٣ تاریخنده كندیسنی ده تسمیم ایتمشدر. (آراتوس) آخاىٔیا هیىٔت اتخادیه سنك مكمل بر تاریخنی یازمش ایسه ده، محو اولوب، نسخه سی بولنه مامشدر. مشهور (پلوتارق) بونك دخی‌ترجمۀ حالنی یازمشدر.
Kamusul Alam, Şemseddin Sami; Kamusul Alamde Aratus maddesi. osmanlıcada Aratus ne demek, Aratus anlamı manası, Aratus osmanlıca nasıl yazılır. Osmanlıca sözlükte Aratus hakkında bilgi. Arapça Aratus ne demek. Arapça osmanlıca sözlük. Farsçada Aratus anlamı
Kamusul Alamde - آراتوس Aratus maddesi. Şemseddin Sami, Kamusul Alam Ansiklopedisi