Arrapahos ~ آراپوهو
Kamus-ul'Alam - Arrapahos ~ آراپوهو maddesi. Sayfa: 70 - Sira: 4
Arrapahos - آراپوهو
آمریقای شمالینك اهالىْ قدیمه سی اقوامندن اولوب، (( قیالی طاغلر)) سلسله سنك اتكنده و واسع چایرلرك بیتدیكی یرده، یعنی ْ٣٩ ایله ْ٤۰ عرض شمالی آره سنده ساكن ایدیلیر، كه محل مذكور الیوم ممالك مجتمعه نك ( قولورادو) جمهوریتی داخلنده بولنیور. بونلره اسكی فرانسز سیاحلری (( قارنی شیش )) دیمك اولان (غرو وانتر) نامنی ویر مشلردی. بو كونكی كونده بو قومك افرادندن بر مقداری (مو نتانه) طرفلرنده كوجبه حالنده یاشامقده اولوب، اكثریسی شمال غربی طرفلرینه چكلمشلردر. سیمالری (( قیزل دری )) تعبیر اولنان آمریقای شمالی اهالىٔ اصلیه سنك اك خالص جنسی اولدقلرینی كوستریورسه ده، اوست و باشلری پك پیس اولوب، كین وخیانتلری غالب اولدیغی مرویدر. میلادك ١٨٢۰ تاریخنده بونلرك عددی ١۰۰۰۰ راده لرنده تخمین اولنوردیسه ده، او زماندن بری خیلی آزالمشلردر.
Kamusul Alam, Şemseddin Sami; Kamusul Alamde Arrapahos maddesi. osmanlıcada Arrapahos ne demek, Arrapahos anlamı manası, Arrapahos osmanlıca nasıl yazılır. Osmanlıca sözlükte Arrapahos hakkında bilgi. Arapça Arrapahos ne demek. Arapça osmanlıca sözlük. Farsçada Arrapahos anlamı
Kamusul Alamde - آراپوهو Arrapahos maddesi. Şemseddin Sami, Kamusul Alam Ansiklopedisi