İbrahim Bin Yahya - ابراهیم بن يحيی

كنیه سی ابو سحاقدر. افریقیه و تونسده حكومت سورن بنی حفص ملوكنك آلتنجیسی اولوب، برادری مستنصر بالله ابو عبدالله محمدك وفاتی اوزرینه جلوس ایدن اوغلی ابو ذكریا یحیای ثانی زماننده امیر مجاهد لقبیله امور حكومتی الینه آله رق، یكنی مذكور یحیایه یالكز حكمدارلق عنواننی براقمشیدی. نهایت ٦٧٨ تاریخ هجریسنده حكمدارلق عنواننی دخی آلمش؛ واوغللری، پدرلرینك ملكنه وارث قالمق ایچون، مومی الیه یحیایی و ایكی اوغلنی قتل ایتمشلردی. مؤخرأ بجایه لی محمد بن مرزوق اسمنده بر شخص، آنف الذكر یحیانك اوغلی فضله اولان مشابهتندن بالاستفاده، صاحب ترجمه یه قارشی خروجله، باشنه بر چوق خلق طوپلایه رق، سلطنتی ضبط ایتمش؛ و اوچ سنه صكره، ابراهیم یكنی عمر ابو حفص ثانی ایله برلشه رك، مرقومی تونسدن اخراج ایتمشلر ایسه ده، بو دفعه سلطنت مذكور عمر ابو حفصه دوشمشدر.