İbni Ebi Amir - ابن ابی عامر

(عبدالعزیز منصور بن عبدالرحمن ناصر _ ) اندلسك شرق طرفلرنده ظهور ایتمش اولان طواىٔف ملوكدن اولوب، ٤١١ تاریخنده ظهور ایدن‌ بربر فتنه سی اوزرینه، شاطبه ده كندیسنه بیعت اولنمش؛‌ وم متعاقباً شاطبه اهالیسی قیام ایتدكلرندن، بلنسیه یه قاچوب، اوراسنی ضبط ایتمش؛ و موالیسندن (خیران عامری) نك اولجه ضبط ایتمش اولدیغی مرسیه، مریه و جیان خطه لری دخی صاحب ترجمه نك تحت اطاعتنه كیرمشلردر. بعده خیران عصیان ایده رك، مریه و ساىٔر بلادی نزع ایله، یالكز مرسیه یی صاحب ترجمه یه براقمش؛ و ٤١٩ تاریخنده خیرانك وفاتی اوزرینه، (عمید الدوله ابو القاسم زهیر عامری) مریه ده حاكم اولمش ایسه ده، غرناطه یی ضبط ایتمكه كیتدیكنده، ٤٢٩ ده قتل (اولنمغله، بونك ممالكی دخی ینه صاحب ترجمه یه قالمشدر.