İbni Esir ~ ابن اثير
Kamus-ul'Alam - İbni Esir ~ ابن اثير maddesi. Sayfa: 599 - Sira: 3
İbni Esir - ابن اثير
(ابو السعادات مجدالدین مبارك بن ابی الكرم الجزری) عصرینك اعاظم علماسندن اولوب، علوم و فنون متنوعه ده ید طولی صاحبی و شعر و ادبیاتده ماهر ایدی. ٥٤٤ تاریخنده جزیرۀ ابن عمرده تولد و نشأت ایتمش؛ و بعده موصله رحلت ایله، بعض كبرانك خدمتنه كیرمش؛ و مؤخراً المریله آیاقلرینك بوزلمسنی موجب بر علته دوچار اولوب، بر چوق وقت خانه سندن چیقه مامش، و هر كس كندیسنه مراجعت ایدوب، اوصره ده تألیف ایتدیكی كتابلری املا ایتمشدر. احادیث غربیه حقنده ((كتاب النهایه)) عنوانیله بش جلد اوزره بر بیوك تألیفی وساىٔر بعض آثار مفیده سی واردر. ٦۰٦ تاریخنده وفات ایدوب، موصلك داخلنده بنا ایتدیرمش اولدیغی رباط جوارنده دفن اولنمشدر. طبیعت شعریه سی دخی اولوب، شو ایكی بیت موصل صاحبی اتا بكه، استری كندیسنی دوشوردیكی صره ده، كوندرمش اولدیغی بر قصیده سندندر : ان زلت البغلة من تحته فان فی زلتها عذرا حملها من علمه شافقاً و من ندی رحمته بحراً
Kamusul Alam, Şemseddin Sami; Kamusul Alamde İbni Esir maddesi. osmanlıcada İbni Esir ne demek, İbni Esir anlamı manası, İbni Esir osmanlıca nasıl yazılır. Osmanlıca sözlükte İbni Esir hakkında bilgi. Arapça İbni Esir ne demek. Arapça osmanlıca sözlük. Farsçada İbni Esir anlamı
Kamusul Alamde - ابن اثير İbni Esir maddesi. Şemseddin Sami, Kamusul Alam Ansiklopedisi