İbni Ebi Usrun - ابن ابی عصرون

(ابو سعد شرف الدین عبدالله بن محمد) موصل مشاهیر فقها و فضلاسندن اولوب، ٢٩٢ ده طوغمش؛ و ٥٤٥ تاریخلرنده موصلده و بعده سنجار و حلب و دمشقده تدریسله مشغول بولنمش وبر چوق كتابلر تألیف ایتمشدر، كه اك مشهورلری شونلردر : ٧ جلد اوزره ((صفوة المذهب من نهایة المطلب))، ٤ جلد اوزره، ((كتاب الانتصار)) ، الذریعه فی معرفة الشریعه ))، ٤ جزْ اوزره ((التیسیر فی الخلاق))، ((مأخذ النظر )) ، (( المختصر فی الفراىٔض )) ، ((الارشاد المعرب فی نصرة المذ هب ))، سنجار و نصیبین و دمشقده قاضیلق ایتمش، و اواخر عمرنده اعمی اولوب، ٤٩٦ تاریخنده دمشقده وفات ایتمكله، كندی یاپدیرمش اولدیغو مدرسه نك جوارنده دفن اولنمشدر. طبیعت شعریه سی دخی اولوب، شو قطعه جملۀ اشعارندندر :

وما الدهر الا مامضی و هو فاىٔت وما سوف یأتی و هو غیر محصل و عیشك فی ما انت فیه فانه زمان الفتی من مجمل و مفصل