İbni Ebi Randeka - ابن ابی رندقه

(ابو بكر محمد بن ولیدالطرطوشی) اندلس علما وادبا-

سندن و فقهای شافعیه دن اولوب، ٤٥١ تاریخنده (طر طوشه) شهرنده طوغمش؛ و وطننده تحصیل ایتدكدن صكره، شرقه رحلتله، بغداد و بصره ده مشاهیر علمای عصردن اكمال تحصیل ایده رك، بر مدت شامده تدریسله مشغول اولمش؛ و بعده اسكندریه ده توطن ایدوب، ٥٢۰ تاریخنده وفات ایتمشدر. اكثر علومده عالم، ادیب، شاعر، متقی وزاهد بر ذات اولوب، صحبت ملوك و اكابردن مجتنب ایدیسه ده، و عظ و نصایحندن اونلر دخی ساىٔر خلق ایله برابر مستفید اولورلردی. بر چوق تألیفاتی اولوب، اك مشهورلری : ((سراج الملوك))، ((مختصر تفسیر ثعالبی))، ((الكتاب الكبیر فی مساىٔل الخلاف)) ، ((كتاب بدع الامور و محدثاتها)) عنوانلی اثرلریدر. اشعاری دخی پك رقیق و معنیدار اولوب، شو بر ایكی بیت او جمله دندر : اقلب طرفی فی السمساء ترددا لعلی اری النجم الذی انت تنظر واستعرض الركبان من كل وجهة لعلی بمن قد سم عرفك اظفر واستقبل الارواح عند هبوبها لعل نسیم الریح عنك یخبر