İbni Ebi Hay - ابن ابی حی

(ابوالقاسم _ ) اندلس رجالندن اولوب، بجایه یه كله رك، بنی مرین دولتنك حاجی اولان ابو الحسن بن سیدالناسه انتساو ایتمش، و كفدیسنك كاتبی اولمشیدی. درایت فوق العاده اصحابندن اولمغله، ٦٩۰ تاریخنده

حاجب مومی الیهكوفاتنده سلطان ابو ذكریا طرفندن اونك یرینه نصب اولنمش، و ٧۰۰ تاریخنده ابو ذكریا وفات ایتدیكنده، اونك اوغلی ابو البقایی قسنطینه دن جلب ایله تخته اوتورتمش؛ و كندیسی حاجبلقده ابقا اولنه رق، عادلانه رتق و فتق امور ایتمكده ایكن، تونسده حكم سورن موحدین دولتی بنی مرین دولتنك بعض ممالكنه تجاوز ایتدیكندن سلطان البقا طرفندن سفارتله توىٔسه كیتدیكنده، حصماسی ابو البقایی بر طاقم افترالرله صاحب ترجمه دن تبرید ایتدكلرندن، عودتنده حبس اولنمش؛ و بعده ایفای حج ایتمك اوزره، سبیلی تخلیه اولنه رق، بقیۀ عمرینی مملكتندن ممكته كزمكله كچیرمشدر.