İbni Ebi z Zevaid - ابن ابی الزوائد

(سلیمان بن یحی _ ) قدمای شعرای عربدن اولوب، مدینۀ منوره ده نشأت ایتمش؛ و خلفای عباسیه دن مهدینك زماننده بغداده كیتمش ایدی. اشعاری و برسیاه جاریه یه اولان معاشقه سی مشهوردر. بغدادك هواسیله امتزاج ایده میوب، وطننه اشتیاقی غلبه ایتدیكنده، رفیقی اولان ابن یحیایه خطاباً بغدادك ذمی حقنده بر اوزون قصیده سویلمشدر، كه باشلانغیجی شودر : یا ابن یحیی ماذا بدالك ماذا امقام ام قد عزمت الحیادا فالبراغیث قد تشور منها سامر ما نلوذ منها ملاذا