Angouleme ~ آنغولم
Kamus-ul'Alam - Angouleme ~ آنغولم maddesi. Sayfa: 437 - Sira: 6
Angouleme - آنغولم
فرانسه نك غرب طرفنده كاىٔن (شارنته) ایالتنك مركزی اولان بر شهردر، كه وقتیله (آنغوموآ) ولایتنك مقر حكومتی ایدی. (شارنته) نهرینك ساحل یسارنده و بو نهرك (تووره) نهریله محل تلاقیسنده، پارسك ٤٤٥ كیلومتره جنوب غربیسنده و بوردونك ١٣٨ كیلومتره شمال شرقیسنده، َ٣٩ ْ٤٥ عرض شمالی ایله ً١٨ َ١١ ْ٢ طول غربیده واقع اولوب، ٣٤٦٤٧ اهالیسی واردر. شهر بر تپه نك اوزرنده و اتكنده واقع اولوب، هواسی صاغلام اولدیغی كبی، منظره سی دخی پك كوزلدر، و بعض موقعلرندن آلتنده طبق كبی واسع و غایت كوزل ایشلنمش بر اووه كورینور، كه اورته سندن جریان نهر دخی كوزللكنی تزیید ایدر. شهرك بر قاچ مصنع كلیساسی، بعض استحكاماتی، مكمل مكتبلری، بر كتبخانه سی و جوارلرنده متعدد كاغد فابریقه لری واردر. اسم قدیمی (ایقولسمه) و (آنقولسمه) اولوب، ادریسینك جغرافیاسنده دخی (انكولسمه) اسمیله مذكوره در. _ قضاسی ١۰ ناحیه و ١٣٦ داىٔرۀ بلدیه یی جامع اولوب، ١۰٦ ١٤٤ اهالیسی واردر.
Kamusul Alam, Şemseddin Sami; Kamusul Alamde Angouleme maddesi. osmanlıcada Angouleme ne demek, Angouleme anlamı manası, Angouleme osmanlıca nasıl yazılır. Osmanlıca sözlükte Angouleme hakkında bilgi. Arapça Angouleme ne demek. Arapça osmanlıca sözlük. Farsçada Angouleme anlamı
Kamusul Alamde - آنغولم Angouleme maddesi. Şemseddin Sami, Kamusul Alam Ansiklopedisi