Antiochus ~ آنطیوخس
Kamus-ul'Alam - Antiochus ~ آنطیوخس maddesi. Sayfa: 433 - Sira: 9
Antiochus - آنطیوخس
اسكندرك وفاتنده ملكنك مقاسمه سندن حاصل اولان طواىٔف ملوكدن سوریه جهتنده حكم سورن سلفكیان سلاله سنه منسوب اون اوچ حكمدارك اسمیدر : برنجیسی (سوتیر) محلصیله معروف اولوب، سلاله نك بانیسی اولان سلفقوس نیقانورك اوغلیدر. میلاددن ٢٧٩ سنه اول پدرینك یرینه جانشین اولوب، پدرینك قاتلی اولان بطلمیوس كراونوسله عقد اتفاق ایتمش، و بیتنیا ماكدونیا و غالاتیا اهالیسیله ایتدیكی محاربه لرده غالب كلمش ایسه ده، مصر حكمداری
خس امر تنكیللرنده پك چوق شدت كوستروب، بر ایكنجی اختلاله اجبار ایتمش، و بو دفعه تأدیبلرینه بالذات كیمتمك عزمنده ایكن، ایراندن عودتنده آتندن دوشه رك، قبل المیلاد ١٦٤ تاریخنده وفات ایتمشدر. بشنجیسی (اوپاتور) لقبیله ملقب اولوب، دردنجینك اوغلیدر. پدرینك وفاتنده ٩ یاشنده اولدیغی حالده، وارث سلطنت اولمش ایسه ده، ١٨ آی اسماً سلطنت سوردكدن صكره، عمیجه زاده سی (دمتریوس سوتیر) طرفندن ملكی ضبط، و كندیسی قتل اولنمشدر. آلتنجیسی (دیونیسیوس) یاخود (باقخوس) لقبیله ملقب اولوب، جبابره دن (آلكساندر بالا) نك اوغلی اولدیغی حالده، آنطیوخس تىٔوسك نسلندن اولدیغنی ادعا ایدیوردی. (تریفون) طرفندن، (دمتریوس نیقاتور) ە قارشی بر سپر اولمق اوزره، قبل المیلاد ١٤٣ تاریخنده رسماً تخته اجلاس اولنمشدر. و آنجق حقیقتده مرقوم (تریفون) سلطنت سوروب، برسنه صكره كندیسنی قتل ایتمشدر. یدنجیسی (سید تیس) لقبیله ملقب اولوب، دمتریوس سوتیرك اوغلیدر. قبل المیلاد ١٣٩ تاریخنده تخته چیقوب، جبابره دن (تریفون) ی طردله، یهودیلرك و خراسان اهالیسنك اختلاللرینی تسكین ایتمش ایسه ده، ١٣۰ تاریخنده دمتریوس نیقاتور طرفندن مغلوب اولوب، ملكی ضبط اولنمشدر. سكزنجیسی (قریپوس) لقبیله ملقب اولوب، دمتریوس نیقاتور ایله قلىٔو پاتره نك اوغلیدر. قبل المیلاد ١٢٣ تاریخنده جباپره دن (زبیتا) یی طردله، تخته چیقمش؛ و مصر حكمدارینك قیزینی تزوجله، كندیسیله عقد اتفاق ایده رك، والده سی طرفندن برادری اولان كیزیقلی آنطیوخسله محاربه ایتمش؛ و ١١٤ ده ملكنك بر قسمنی بوكا ویركمه مجبور اولوب، ٩٧ تاریخنده وفات ایتمشدر. طقوزنجیسی (فیلاپاتور) یاخود (كیزیقلی) لقبیله معروف اولوب، آنطیوخس سیدتیس ایله قلىٔوپاتره نك اوغلی و والده سی طرفندن (آنطیوخس قریپوس) ك برادری ایدی. برادرینی سوریه نك بر قسمنی كندیسنه ترك ایتمكه اجبار ایتدكدن صكره، قبل المیلاد ٩٧ تاریخنده برادرینك وفاتی اوزرینه، بتون سوریه یی ضبط ایتمش ایسه ده، اوچ سنه سلطنت سوردكدن صكره، برادرینك اوغللرندن آلتنجی سلفقوس
كندیسنی مغلوب و اتلاف نفسه مجبور ایده رك، ملكنی ضبط ایتمشدر. اوننجیسی (اوسبیوس) لقبیله ملقب اولوب، كیزیقلی آنطیوخسك اوغلیدر. قبل المیلاد ٩٤ تاریخنده ملك موروثنی آنطیوخس قریپوسك آوغلی آلتنجی سلفقوسدن ضبط ایتمش ایسه ده، ایكی سنه صكره مرقوم آنطیوخس قرپیوسك دیكر ایكی اوغلی طرفندن مغلوب اولوب، روایته كوره قبل المیلاد ٧٥ تاریخنده وفات ایتمشدر. اون برنجیسی (فیلادلف) لقبیله معروف اولوب، آنطیوخس قریپوسك اوغلیدر. بیوك برادرلری آلتنجی سلفقوسك وفاتندن صكره، قبل المیلاد ٩٣ تاریخنده دیكر برادری فلیپله مشتركاً حكمدارلق ایتمشدر. برادرلرینك حیاً احراق ایدمش اولدیغی (موپسوىٔسته) یعنی (سیس) شهری اهالیسنی اخذ ثار ایچون قتل عام ایتمشلردر. متعاقباً ینه اوننجی آنطیوخس طرفندن قتل اولنمشلردر. اون برنجی آنطیوخس اثنای فرارنده قبل المیلاد ٩۰ تاریخنده مقتولاً وفات ایتمشدر. اون ایكنجیسی (دیونیسیوس) یاخود (باقخوس) لقبیله ملقب اولوب، آنطیوخس قریپوسك بشنجی اوغلیدر. برادری اوچنجی دمتریوسك خراسانلیلرك النه اسیر دوشدیكنی خبر آلدیغنده، قبل المیلاد ٨٣ تاریخنده رتخته جلوس ایتمش ایسه ده، ینه اوسنه عربلرله ایتدیكی بر محاربه ده مقتولاًوفات ایتمشدر. اون اوچنجیسی ((آسیالی )) لقبیله ملقب اولوب، اوننجی آنطیوخسك اوغلیدر. كندیسنی آسیانك ایج طرفلرنده بیویوب، اجدادینك ملكی (دیقران) ك ید ضبطنه كچمش ایكن، قبل المیلاد ٦٩ تاریخنده روما سردارلرندن (لوقولوس) طرفندن تخت موروثنه اجلاس اولنمش ایسه ده، ٦٤ تاریخنده (پومپیوس) سوریه یی ضبطله، روما ممالكنه الحاق ایتمشدر.
Kamusul Alam, Şemseddin Sami; Kamusul Alamde Antiochus maddesi. osmanlıcada Antiochus ne demek, Antiochus anlamı manası, Antiochus osmanlıca nasıl yazılır. Osmanlıca sözlükte Antiochus hakkında bilgi. Arapça Antiochus ne demek. Arapça osmanlıca sözlük. Farsçada Antiochus anlamı
Kamusul Alamde - آنطیوخس Antiochus maddesi. Şemseddin Sami, Kamusul Alam Ansiklopedisi