Anglesey ~ آنغلسی
Kamus-ul'Alam - Anglesey ~ آنغلسی maddesi. Sayfa: 436 - Sira: 2
Anglesey - آنغلسی
ایرلانده دكیزنده، انكلتره نك غرب طرفنده و (غال) یاخود (و الس) مملكتنك غرب شمالی ساحلنك قارشیسنده واقع بر بیوك آطه در، كه مملكت مذكوره دن (منات) بوغازیله آیرلمش اولوب، اونك بر قضاسی حكمنده در. اك وسعتلی جهتی ٣۰ كیلومتره قدر اولوب، غرب جهتنده كی (هولیهید) آطه سیله برابر مساحۀ سطحیه سی ٧٨٢ مربع كیلومتره در. شمال و شمال غربی سواحلی قیالق ایسه ده، غرب و غرب جنوبی ایله شرق سواحلی قوملق و آلچقدر. (منات) بوغازینك طولی ١٩ كیلومتره، و عرضی ٥۰۰ ایله ٨۰۰ متره آره سنده در. جذر حالنده بعض یرلرده كچید ویریور. بو بوغازك ایكی محلنده ایكی كوپری یاپلمشدر، كه بری (نانغور) شهرینك ٣ كیلومتره جنوبنده اولوب، دكیزك مدحالنده كی سطحندن ٣۰ متره یوكسكدر. جنوبه طوغری بر بچق كیلومتره دها آشاغیده دمیر یول خطنه مخصوص دیكر بر كوپری دها واردر، كه طولی ٢٧٤ متره اولوب، اورته سنده بولنان بر قیایه طیانمغله، ایكی یه منقسمدر. بو آطه نك یوكسك طاغلری اولمدیغندن، نهرلری چوق ایسه ده، هپسی كوچك دره لر حكمنده در. مركزی (بوماری) قصبه سیدر، جزیره نك اهالیسی ۰٣۰ ٥١ كشی اولوب، تعیشلری باشلیجه محصولات زرعیه دن عبارتدر.
Kamusul Alam, Şemseddin Sami; Kamusul Alamde Anglesey maddesi. osmanlıcada Anglesey ne demek, Anglesey anlamı manası, Anglesey osmanlıca nasıl yazılır. Osmanlıca sözlükte Anglesey hakkında bilgi. Arapça Anglesey ne demek. Arapça osmanlıca sözlük. Farsçada Anglesey anlamı
Kamusul Alamde - آنغلسی Anglesey maddesi. Şemseddin Sami, Kamusul Alam Ansiklopedisi