Ankara - آنقره

ولایتی. آناطولینك اك جسیم ولایاتندن اولوب، بو قطعه نك همان اورته سنده واقعدر. شرقدن غربه اولان طولی قوش اوچشی حسابیله تقریباً ٤۰۰، و شمالدن جنوبه اولان عرضی حد سطی اوزره ٢۰۰ ، و غرب شمالیدن شرق جنوبی یه طوغری اولان طول اعظمی دخی ٤٣۰ كیلومتره اولوب، مساحۀ سطحیه سی تقریباً ۰۰۰ ٧۰ كیلومتره اولوب، مساحۀ سطحیه سی تقریباً ۰۰۰ ٧۰ مربع كیلومتره، و اهالیسی ۰۰۰ ٨٥ راده لرنده در، كه بونلرك ۰۰۰ ٧٨ اسلام و ۰۰۰ ٧۰ ی روم، ارمنی، قتولیك وپروتستان

چایلرك اجتماعندن حاصل اولان (قره صو) نهرینی اخذ ایله، قونیه ولایتی حدودینی آیردقدن، و بعده قیر شهری ایله آنقره سنجاقلرینك آره سنده كچه رك، دها آشاغیده قسطمونی ولایتی حدودینی دخی تفریق ایتدكدن صكره، قره دكیزه دوكلمك اوزره، آماسیه و اورادن جانیك سنجاقلرینه كیرر. بو وجهله ولایتك ایچنده بیوك بر داىٔره تشكیل ایدن و مجراسنك قسم اعظمی بو ولایته منسوب اولان بو جسیم ایرماغه قیر شهری ویوزغاد سنجاقلرنده بر چوق چایلر دوكیلور، كه بونلرك اك بیو كی (دلینجه ایرماق) اولوب، بو نهر یوزغاد سنجاغنك بتون صولرینی جمع، و (قوناق صویی) چاینی دخی اخذ ایلر. بو وجهله آنقره ولایتنك میاه جاریه سی چوق ایسه ده، اطرافنده بولنان مرتفع طاغلر بلوطلرك سربست چكمسنه مانع اولدیغندن، یاغموری آز اولمغله، قوراقلق سنه لرنده قونیه ولایتیله برابر آناطولینك اك زیاده قحط و غلایه مصاب اولان یرلرندندر؛ و چكر كه دخی چوق دفعه مستولی اولور. دكیزدن اوزاق اولمسی دخی قحط و غلاشدتنی آرتیرر ایسه ده، قریباً انشاسی متصور اولان آناطولی دمیر یولی بو ولایتك اورته سندن كچه جكندن، ایلریده خدانكرده اویله بر آفت آسمانینك ظهورنده او قدر زحمت چكلمیه جكی شبهه سزسر. مع هذا اراضیسی منبت اولوب، یاغمورلی سنه لرده كلیتلی بر كت حاصل اولور. علی الخصوص حیمانه اووه سی غایت منبت اولوب، بحق زرع و اعمار اولنه جق اولسه، بر قاچ یوزینك اهالی اعاشه سنه كافیدر. مرعالری دخی چوق اولوب، اغنام وساىٔر حیواناتی كثرتلیدر؛ و آره صره قحط آفتیله تلف اولمیه ایدی. پك چوق اوله جقدی علی الخصوص تفتیك كچیلری بو ولایت ایچون توكنمز بر سرمایه در. حبوبات متنوعه دن بشقه كوك بویا وصفران و میوه لرك انواعی یتیشیر. اهالینك باشلیجه مشغولیتی زراعت اولوب، صرف اغنام و خركله ایله كچینیر و كوجبه حالنده یاشار عشایری دخی چوقدر. صنایع محلیه نك اك مهمی خالی، كلیم و سجاده اعمالی اولوب، نفس آنقره ده تفتیكدن كوزل صوف و شالی ایله شال و الدیون كبی ساىٔر بعض شیلر دخی یاپیلیر. قیصریه نك باصدیرمه سی دخی مشهور اولوب، استانبوله وساىٔر طرفلره كلیتله اخراج او-

لنور. داخل ولایتده پك چوق معدنلر بولنیورسه ده، همان هیچ بری چیقارلمامقده در. قیا طوزی معدنلری پك چوق اولوب، كلیتله چیقاریله رق، درون ولایتده و جوارلرده استعمال اولنور. كلیتله كیل دخی چیقار. آنقره ولایتی غیر مساوی درت سنجاغه منقسم اولوب، قزیل ایرماق ولایتی اورته سندن همان مساوی ایكی قسمه تقسیم ایتدیكی حالده، قسم غربیسی یالكز آنقره سنجاغنی تشكیل ایدیور؛ و قسم شرقیسی ینه غیر مساوی اوچ سنجاغه آیریلوب، شرق شمالی جهتنده اولان قسم اعظمی یوزغاد، قسم جنوبیسی قیصریه و قسم غربیسی دخی قیر شهری سنجاقلرندن عبارتدر.‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌ سنجاقلرك قضا و ناحیه لره صورت تقسیمی آكلاشلمق ایچون، جدول آتی یه احتیاج كورلدی : سنجاق قضا ناحیه آنقره { آنقره استانوس ایاش كودل بالا طبانلی زیر بكبازاری {سمز اوزی كلقره آطه ویرن قره شار قزل سرای یكزل چبق آباد حیمانه { طوباقلی شیخ بزیلی سفریحصار { كون یوزی میخالججق { دینك قیون آغیلی چقور ویران قوروجی قوریٔ همایون (آق كوپری) نعللو خان بیان آباد شوباد یوزغاد { یوزغاد (بوزاوق) { حسین آباد قزل قوجه صورقون بوغازلیان آق طاغ چورم سنقورلی (بوداق) سلمانلو معدن قره حصار بهرام قیر شهری { قیر شهری حاجی بكتاش مجیدیه (چیچك طاغی) قوكر كسكین مجبور قیصریه { قیصریه اینجه صو قره حصار دوه لو كوستره