Angola - آنغوله

آفریقای جنوبینك ساحل غربیسنده بر مملتدر، كه اصل آنغوله ایله قونغو، بنكله و موسامدس نام پورتكیز مستملكاتنی جامعدر. اصل آنغوله شمالاً (قونغو) ایله جنوباً (بنكله) و غرباً بحر محیط آطلاسی ایله شرقاً (مولوه) مملكتلری آره سنده واقعدر. َ٢۰ ْ٨ ایله َ٥۰ ْ٩ عرض جنوبی آره سنده اولوب، شمالدن جنوبه (دانده) ایله (قوآنزه) نهرلرینك مجرالری آره سنده ممتد اولور. بو ایكی نهرك آره سنده كی ساحل ١٣٥ كیلومتره اولوب، شرقدن غربه اولان وسعتی ایسه ٦۰۰ كیلومتره یه قربیدر. پورتكیزك ایكی مثلندن زیاده اولان بو مملكت واسعه نك سواحلیله

ساحله قریب محللرنده هوا غایت صیجاق وصیتمه لی ایسه ده، ایچری یه طوغری كیدیلوب، درجه درجه یوكسلن طاغلره چیقلدقجه، هوا كسب اعتدال ایدر. اقالیم حاره یه مخصوص نباتاتی و ذی قیمت اشجاری پك چوق اولدیغی كبی، اراضیسی دخی پك منبت اولمغله، محصولات و وارداتی پك چوق اولمق لازم كلیرسه ده، اهالیسنك قسم اعظمی بسبتون مستقل اولوب، ساىٔر لری دخی یالكز اسماً ورسماً پورتكیز حكومتنی طانیدقلرندن، وپورتكیزلیلر كندیلری پك آز مقدارده بولندقلرندن، بو راسی دخی پورتكیزك ساىٔر مستملكاتی كبی، مهمل و معطل بر حالده بولنوب، هیچ بر نوع ترقی و معموریت حصولپذیر اوله مامشدر. ویركیلری پك آغر ایسه ده، ثروت مملكتله غیر متناسب اولدقلرندن، تحصیل اولنه میه رق، و اردات موجوده سی بیوك قصبه لرله قلعه لرده بولندیریلان عسكری و لیمانلرده طوردیریلان بر قاچ حرب كمیسنی آنجق اداره ایدوب، امور نافعه یه صرف اولنمق اوزره برشی آرتمیور. اهالی ساىٔر زنجیلره نسبةً چالیشقان ایسه لرده، نیم و حشی حالنده یاشادقلرندن، سعیلرندن بحق استفاده اولنه میور. پورتكیز دولتی وقتیله اورادن چیقان اسرانك بهر رأسندن كلیتلی بر ویر كی آلدیغندن، او وقتلرده و ارداتی چوق ایدیسه ده، نهایت اسارتی لغو و منع ایتمكه مجبور اولمغله، بو انسانیت شكن ویركیدن محروم قالمشدر. اهالیسنك تعیشی باشلیجه پرنج، مصر، داری ومانیوقه دنیلن بر كوك اونندن عبارتدر. كرك دكیزدن و كرك دكیزه منصب اولان متعدد نهرلردن كلیتلی بالیق دخی چیقاریرلر. بو بالیقلرك بر نوعندن بر یاغ چیقوب، كندیلری استهلاك ایتدكلری مقداردن بشقه، خیلیسی دخی آوروپایه اخراج اولنور. اهالیسی تخمیناً ۰۰۰ ٣۰۰ كشی قدر اولوب، ایچلرندن یالكز ١٥۰۰ قدری پورتكیزلی ، ۰۰۰ ٣٢ قدری ملز و قصوری كاملاً زنجیلدر. زنجیلرك چوغی پورتكیزلیلر طرفندن پرنس، دوقه، ماركی و قونت عنوانلریله یاد اولنور، و آنجق كندی بینلرنده (سووه) اسم عمومیسیله معروف اولان بر طاقم رؤسا معرفتیله اداره اولنورلر. پورتكیز دولتی بو مملتی ١٤ قضایه تقسیم ایدوب، بونلردن آلتیسنك مركزلرنده برر قلعه ایله بررمقدار عسكر بولندیغندن، برنجی صنف، و دیكر سكزی

ایكنجی صنف قضالردن معدوددر. قضالر شونلردر : برنجی صنف { موقسیما مسانغانو قامبامبه پدرو آندونغو آمبافه سان یوسه ایكنجی صنف { باراده دانده باره ده بنغو بارا ده قالومبو ایقولو مع بنغو زنزا مع كیلنغویٔس قولونغو دانده دومیوس مركزی (لوآنده) شهری اولوب، مملكت لیسیونه دن تعیین و ارسال اولنان بر والی معرفتیله اداره اولنور؛ و اوراده بولنان پورتكیزلیلر میاننده ایكی مبعوث انتخاب اولنه رق، لیسبونه مجلس مبعوثاننه كوندریلور. مركزده بر قتولیك پسقپوسو دخی اقامت ایدر، وبر محكمۀ استیناف ایله بر مكتب دخی بولنور. [((قونغو)) ماده سنه دخی مراجعت بیوریله.]