Angara ~ آنغره
Kamus-ul'Alam - Angara ~ آنغره maddesi. Sayfa: 435 - Sira: 3
Angara - آنغره
سیبریانك وسطلرنده كاىٔن ایكی نهرك اسمیدر، كه بری ((یوقاری)) و دیكری ((آشاغی)) صفتیله تفریق اولنور. یوقاری آنغره شمال شرقیده جنوب غربی یه طوغری آقه رق، طاغلق بر محلك اورته سندن بر طاقم شلاله لر تشكیلیله ٣٥۰ كیلومتره لك جریاندن صكره (بایقال) كولنك منتهای شمالیسنه منصب اولور. آشاغی آنغره (بایقال) كولنك آیاغی حكمنده اولوب، واسع، درین و صویی براق بر بیوك نهردر، اورته سندن سرعتله جریان ایده رك، ٧٢ كیلومتره لك مسافه قطع ایتدكدن صكره، (ایرقوتسق) شهرینه واصل اولور؛ و اورادن شماله طوغری دونوب، ینه طاغلق وشایان تماشا بر طاقم اراضینك ایچندن جریانله صولدن (اوقه) نهرینی دخی اخذ، وبر آز دها آشاغیده (شامانسق) شلالۀ مشهوره سنی تشكیل ایتدكدن صكره، (تونقوز) مملكتنه دخول ایله (تونغو سقه) نامیله (یكیسی) ایرماغنه دوكیلور. بو نهر مذكور ایرماغك بر تابعی عد اولنیور سه ده، كرك صوینك كثرتی و كرك مجراسنك طول جهتیله ایرماغك اصلی عد اولنمغه شایاندر.
Kamusul Alam, Şemseddin Sami; Kamusul Alamde Angara maddesi. osmanlıcada Angara ne demek, Angara anlamı manası, Angara osmanlıca nasıl yazılır. Osmanlıca sözlükte Angara hakkında bilgi. Arapça Angara ne demek. Arapça osmanlıca sözlük. Farsçada Angara anlamı
Kamusul Alamde - آنغره Angara maddesi. Şemseddin Sami, Kamusul Alam Ansiklopedisi