Ankravi - آنقروی

سلطان محمد رابع حضرتلرینك دور سلطنتلرنده شیح الاسلام اولمش علمادن اولوب، ١۰٢٨ تاریخنده آنقره شهرنده دنیایه كلمش؛ و تكمیل تحصیل ایله، علی الاصول بر مدت مدرسلك ایتدكدن صكره، طریق علمیده قطع مراحل ایده رك، بروسه و مصر

قضالرندن صكره، ١۰٨٢ ده استانبول قاضیسی، و بر سنه صكره آناطولی قاضی عسكری اولمش؛ و ١۰٨٧ ده عزل، و ١۰٩٦ ده یكیدن مسند مذكوره نصب اولندقدن بر سنه صكره مسند جلیل مشیخت اسلامیه یه ترفیع اولنمشدر. ((عالم الفقه محمد و علیه الفتوی )) عباره سی تاریخ نصبیدر. مسند فتوایی رویت و عدالت تامه ایله اداره ایتمكده ایكن، ١۰٩٨ سنه سی ذی الحجه سنده وفات ایدوب، سلطان سلیم قربنده قوغه جی دده تربه سی پیشكاهنده دفن اولنمشدر. ((تنویر )) كتابنه بر حاشیه سی و خیراتدن اوله رق بر مدرسه سی واردر.

مذهبلرنده خرستیان اولوب، جمله سی لسان تركی ایله متكلمدرلر. ٤۰۰ قدر یهودی و، بعضیسی اسلام و بعضیسی خرستیان اولمق اوزره، ٢٢۰۰ قدر چنكانه دخی بولنیور. آنقره ولایتی غرباً خداوندكار، شمالاً قسطمونی، شرقاً سیواس، جنوباً قونیه ولایتلریله محدود و محاط اولوب، شرق جنوبی كوشه سنده آز محلده آطنه ولایتیله دخی همحدوددر. اراضیسی كاملاً مرتفع اولوب، مثلا مركز ولایت اولان آنقره شهرینك سطح بحردن ارتفاعی ١۰٨۰ متره در. شمال غربی جهتنده یعنی نفس آنقره سنجاغنك شمالنده (آلا طاغ) ایله (ایشیق طاغی) كسب ارتفاع ایدوب، صیرتلری لواء مذكورك قسم جنوبیسی حیمانه اووه سندن عبارت اولوب، بو اووه نك جنوبنده (قراجه طاغ) ایله (پاشا طاغی) ناملریله ایكی كوچك طاغ بولنیور. دیكر طاغلرینك اك بیوكلری ولایتك منتهای جنوب شرقیسنده و قیصریه شهرینك جنوبنده واقع اولوب، بتون آناطولی قطعه سی طاغلرینك اك مرتفعی اولان (ارجیاس) ایله ولایتك شرق طرفنده اولان (آق طاغ) ویوزغاد ایله قیر شهری سنجاقلری حدودینی آیران (چیچك طاغی) ایله ولایتك شمال شرقی طرفنده چوروم قصبه سنك غرب شمالی جهتنده واقع (قرق دیلیم) طاغیدر. بو ولایتك اراضیسی كاملاً قره دكیز ماىٔله سنده واقع اولوب، قسم غربیسی یعنی آنقره سنجاغنك قسم اعظمی سقاریه ایرماغی حوضه سی داخلنده در. بو ایرماق خداوندكار ولایتندن كلوب، آنقره سنجاغنده بر نصف داىٔره تشكیلیله، ینه ولایت مذكوره دن كلن (پورسق) نهرینی و ایشیق طاغندن اینن (آنقره) چاییله اونك تابعلری اولان (چبوق صو) و (مراد صوینی) و دها آشاغیده (قیرمزی صو) نهرینی اخذ ایتدكدن صكره، ینه غربه طوغری دونه رك، خداندنكار ایله قسطمونی ولایتلرینك آره سندن بالمرور قوجه ایلنه دخول ایله، قره دكیزه دوكیلور. ولایتك ساىٔر طرفلری باشلیجه قزیل ایرماق حوضه سی داخلنده اولوب، یالكز منتهای شمال شرقیده اولان چوروم قضاسنك صولری آماسیه سنجاغنه دخول ایله یشیل ایرماغه دوكیلور. قزیل ایرماق سیواس ولایتندن كلوب، قیصریه سنجاغنده بر چوق كوچك

بولنان تفتیك تجارتنك مركزیدر. تفتیكدن اعلان شالی و صوفله شال، الدیون وساىٔره اعمال و اخراج اولنور. آنقره ده حاجی بیرام ولی حضرتلرینك تربۀ شریفه لری زیارتكاه انام وتربه لری یاننده كی تكیه سی دخی معمور اولدیغی كبی، تاج الدین و لینك تربه سی و شیخ حسین بقاء الدین نقشبندینك دركاهبی، وقرقلر مقامی دنیلن محلده دخی مشاهیردن احمد نجم الدین و قاضی حلبینك و شهر خارجنده دخی خطیب احمد اصفهانینك وساىٔر ذوات كرامك تربه لری موجوددر. شهرك جانب غربیسندن آقان (اینجه صو) نهری بر چوق باغچه و بوستانلری ودرت بیك حیوان اداره سنه كافی واسع چایرلری اروا ایدر. شهرك جوارلرنده كی باغچه لرده آرمود، الما، اوزوم وساىٔر میوه لرك اعلاسی و یالكز آرمودك ٣٨ نوعی یتیشیور. شهرك صولری غایت لذیذ و خوشكواردر. تویلری اوزون ویومشاق كوزل بر نوع كدی و طاوشانی واردر. آنقره شهری هارون الرشید و معتصم خلیفه لر طرفندن فتح اولنمش ایدیسه ده، محافظه اولنه میوب، ینه قسطنطینیه روم ایمپراطورلری طرفندن استرداد، و مؤخراً سلچوقیلر طرفندن ضبط اولنمشیدی. بعده ((اخیلر) نامیله ظهور ایدن طاىٔفه نك الینه كچوب، بو زمره دن اخی شرف الدین واخی حسین درون شهرده بنا ایتمش اولدقلری جامعلرك جوارنده مدفوندرلر. نهایت ٧٦٢ تاریخ هجریسنده خداوندكار غازی حضرتلرینك یدجلادتیه فتح اولنه رق، ضمیمۀ ممالك عثمانیه اولمشدر. تیمورلنك ایله سلطان بایزید اول حضرتلری میاننده و قوع بولوب، سلطان مشارالیهك اسارتنی منتج اولان محاربۀ مشهوره آنقره صحراسنده اولمشدر.