Annobon ~ آنوبون
Kamus-ul'Alam - Annobon ~ آنوبون maddesi. Sayfa: 443 - Sira: 11
Annobon - آنوبون
آفریقانك ساحل غربیسی قارشیسنده كینه كورفزینك داخلنده سپانیا مستملكاتندن بر كوچك آطه در، كه (پرنس) آطه سنك ١٨٥ كیلومتره جنوب غربیسنده و (غابون) منصبنك ٤٧٥ كیلومتره غرب جنوبیسنده، ً٧ َ٢٤ ْ١ ایله ً٥۰ َ٢٧ ْ١ عرض جنوبی و ْ٣ ً٢٥ َ١٥ ایله ً٤٧ َ١٧ ْ٣ طول شرقی آره لرنده
واقع اولوب، شمالدن جنوبه اولان طولی ٦ كیلومتره در. آطه بر طاغدن عبارت اوله رق، بونك اوچ ذروه سندن بری (پیق دو فوغو) یعنی ((آتش ذروه سی )) نامیله معروف اولوب، غریب بر صورتده هرمی الشكل و حذای بحردن ١۰۰۰ متره یوكسكدر. آطه نك اكثر طرفلری اورمانلرله مستور اولوب، اهالیسی ٣۰۰۰ قدر زنجیدن عبارتدر. بو آطه ١٤٧١ تاریخ میلادیسنده پورتكیزلیلر طرفندن كشف و ضبط اولنوب، ١٧٧٨ ده (فرناندو پو) جزیره سیله برابر اسپانیایه ترك اولنمشدر.
Kamusul Alam, Şemseddin Sami; Kamusul Alamde Annobon maddesi. osmanlıcada Annobon ne demek, Annobon anlamı manası, Annobon osmanlıca nasıl yazılır. Osmanlıca sözlükte Annobon hakkında bilgi. Arapça Annobon ne demek. Arapça osmanlıca sözlük. Farsçada Annobon anlamı
Kamusul Alamde - آنوبون Annobon maddesi. Şemseddin Sami, Kamusul Alam Ansiklopedisi