Annonay ~ آنونای
Kamus-ul'Alam - Annonay ~ آنونای maddesi. Sayfa: 445 - Sira: 2
Annonay - آنونای
فرانسه نك (آردش) ایالتنده (تورنون) قضاسنده و (تورنون) شهرینك ٢٨ كیلومتره جنوب غربیسنده واقع ناحیه مركزی بر شهر اولوب، ١٧۰۰۰ اهالیسی، بر مكتب اعدادیسی، ١٣۰۰۰ جلدی حاوی بر كتبخانه سی، بر صنایع و تجارت اوطه سی، وساىٔر مؤسسات خیریه سی واردر. بر تپه نك اتكنده و ایكی كوچك چایك آره سنده واقع اولوب، منظره سی غایت كوزلدر. وقتیله بر حرب موقعی اولوب، علی الخصوص قتولیكلرله پروتستانلر بیننده و قوع بولان محاربه لرده دفعاتله تخریب اولنمش ایسه ده، اهالیسنك سعی و غیرتیله یكیدن اعمار اولنمشدر. كاغد فابریقه لری پك مشهور اولدیغی كبی، چوخه، غانت، ایپ، ایپلك وساىٔره فابریقه لری دخی واردر. ایالتك اك بیوك و اك مهم شهری اولدیغی حالده، كنارده بولنمق حسبیله، مركز اتخاذ اولنه مامشدر. بالونی ایجاد ایدن (مو نتغولفیه) نك مسقط رأسی اولوب، بدیعۀ مذكوره نك ایلك تجربه سی ١٧٨٣ تاریخ میلادیسنده بو شهرده اجرا اولنمش؛ و موجدی نامنه شهرك ایچنده بر مسله (یعنی اوبلیسق) ر كز اولنمشدر.
Kamusul Alam, Şemseddin Sami; Kamusul Alamde Annonay maddesi. osmanlıcada Annonay ne demek, Annonay anlamı manası, Annonay osmanlıca nasıl yazılır. Osmanlıca sözlükte Annonay hakkında bilgi. Arapça Annonay ne demek. Arapça osmanlıca sözlük. Farsçada Annonay anlamı
Kamusul Alamde - آنونای Annonay maddesi. Şemseddin Sami, Kamusul Alam Ansiklopedisi