Angorui ~ آنقروی
Kamus-ul'Alam - Angorui ~ آنقروی maddesi. Sayfa: 439 - Sira: 2
Angorui - آنقروی
(شیخ اسمعیل _) كبار مشایخ مولویه دن اولوب، اوننجی عصر هجریده آنقره ده دنیایه كلمش؛ و علوم ظاهریه یی تكمیل ایدوب، استحصال فضل و كمال ایتدكدن صكره، طریق مولوی یه سلوك ایله، طریقت و تصوفده فرید عصر اولمشیدی. غلطه ده واقع اسكندر پاشا زاویه سنده مثنوی خوان اولوب، نیجه طالبان راه حقیقت درس و صحبت و ارشادلرندن مستفید اولدقلری كبی، مثنوىٔ شریفه یازمش اولدقلری مكمل بر شرحله دخی رموز مثنویه و حقایق مولویه یه آكاه اولمق آرزوسنده بولنان ارباب استعداده الی یومنا هذا رهنما اولمقده درلر. یدی بیوك جلددن مركب اولان بو شرح حقیقةً كتب تصوفك اك بر كزیده لرندندر. وفاتی ١۰٤١ تاریخنده در.
Kamusul Alam, Şemseddin Sami; Kamusul Alamde Angorui maddesi. osmanlıcada Angorui ne demek, Angorui anlamı manası, Angorui osmanlıca nasıl yazılır. Osmanlıca sözlükte Angorui hakkında bilgi. Arapça Angorui ne demek. Arapça osmanlıca sözlük. Farsçada Angorui anlamı
Kamusul Alamde - آنقروی Angorui maddesi. Şemseddin Sami, Kamusul Alam Ansiklopedisi