İbrahim Paşa Hazinedar - ابراهیم پاشا خزينه‌دار

(خزینه دار _ ) سلطان ابراهیم خان دوری صدر اعظملرندن بو سنه لی صالح پاشانك خزینه داری ایكن، افندیسنك صدارتنده بغداد و الیلكنه نصب اولنمشیدی. ١۰٥٧ تاریخنده افندیسنك قتلی خبرینی آلنجه، بقاسندن امیدینی كسمكله، تفرد واستقلال خیال خامنه دوشمشیدی. او آره لق صدارت عظمی امیدیله استانبوله كلمش اولان قپودان موسی پاشا بغداد و الیسی اولوب، آنجق كیتمك ایستمدیكندن تمارض ایده رك، یرینه بر متسلم نصب و اعزام ایتمشیدی. ابراهیم پاشا بغداد كوله منلرینی و اهالینك بر طاقمنی كندی طرفنه جلب ایتمش اولدیغندن، موسی پاشانك متسلمنی بغداده قبول ایتمه مشلرسه ده، بغدادده بولنان یكیچریلر ابراهیم پاشایه اویمیوب، دولته صادق

قالدقلرندن، قلعه یی و شهری محافظه ایده رك، پاشا ایله كوله منلر طیشاریدن و یكیچریلر ایچریدن محاربه یه طوتیشمشلردی. نهایت یكیچریلر ابراهیم پاشا ساده دللكندن بالاستفاده، كندیسنه عرض اطاعت ایده جكلرینی بیانله، كندیسنی ایچری یه آلدقدن صكره، براوطه یه حبس ایتمشلردر. كوله منلر خارجدن محاربه یه دوام ایتمشلرده ده، بر شیىٔه موفق اوله میوب، وقوعات باب دولته عكس ایتمكله، ابراهیم پاشانك اعدامیچون فرمان همایون صادر اولوب، میرآخور ثانی یدیله كوندرلمش؛ و بغداد والیلكنه مقتول صالح پاشانك برادری بو دیندن معزول تضی پاشاتعیین و اعزام اولنمش ایسه ده، بونك ده اعدامیچون خط همایون چیقوب، عقیبنده بغداد و الیلكنه موسی پاشا تعیین اولنمشیدی. بو وجهله ١۰٥٧ تاریخنده مرتضی پاشا دیاربكرده وابراهیم پاشا ایله عونه سی بغدادده اعدام اولنه رق، سر مقطوعلری استانبوله كوندرلمشدر.