Argonautes - آرغوناوت

یاخود آرغونوت یونان قدیمك خرافاتله مخلوط تاریخ قدیمنه كوره، آلتون یپاغی طوپلامق اوزره، پك اسكی برزمانده قافقاسیه سواحلنه سیاحت ایتمش اولان بر طاقم قهر مانلردر، كه آرغوس شهرنده ویاخود شهر مذكورك حكمداری آرغوسك حمایه سی آلتنده انشا اولنمغله، (آرغو) تسمیه اولنان بر كمی یه سوار اوله رق، قره دكیزه كیتمشلردر. عددلری مختلف فیه اولوب، اللی كشی اولدقلری مرویدر. ایچلرندن یاسون، هر كول (یاخود ایراقلیس) ، اورفیوس، تیفوس، اسكولاب (یاخود اسقلبیوس)، لونكیوس، قاستور، پولوكس، قلایس،زتیس، تودیوس ونستور مشهوردرلر. بونلردن هر كول یولده آرقداشلرندن آیرلمشدر. بونلر تسالیانك (یولقوس) اسكله سندن حركتله، بیك درلو مهالك و مخاطراته اوغرادقدن، وبرچوق وقتلر دكیز اوستنده قالدقدن صكره، محل مقصودلرینه واصل اولوب،

ناحیه لردندر. شمالاً (رین) نهریله (باده) بیوك دوقه لغندن آیرلمش، غرباً (باله)، (سولوره) و (برنه) ناحیه لریله، جنوباً (لوچرنه) ناحیه سیله، شرقاً (زوغ) و (زوریخ) ناحیه لریله محدود ومحاطدر. سطحی ١٤۰٥ مربع كیلومتره اولوب، وسعتجه اسویچره نواحیسنك طقوزنجی درجه سنده ایسه ده، اهالیسی ١٩١۰۰۰ اولمغله، نفوسجه دردنجی درجه ده در. اهالیسنك همان كافه دی آلمان اولوب، نصفندن زیاده سی پروتستان، نصفنه قریب مقداری قتولیك، و ١٥٥۰ سی دخی یهودیدر. بو ناحیه میلادك ١٨۰٣ تاریخنده تشكیل اولنه رق، اسویچره هیىٔت متفقه سنه داخل اولمشدر. مركزی (آراو) شهریدر. بروجه آتی ١١ قضایه منقسمدر: آراو، بادن، برمغارتن، بروغ، قولم، لاىٔوفنیورغ، لكبورغ، موری، راینفلدن، زوفینكن، زورزاخ. حكومتی جمهوریت مطلقه اولوب، ٢۰۰ اعضادن مركب بر مجلس مبعوثانی، و‌٨ اعضادن مركب بر مجلس داىٔمیسی واردر. بو ناحیه تمامیله (رین) ایرماغنك حوضه سنده واقع اولوب، نهر مذكوره دوكیلن (آر) چایی جنوب شرقیدن شمال غربی یه طوغری آقه رق، ناحیه یی غیر مساوی وهر جهتله غیرمشابه ایكی قسمه تقسیم ایدیور. اسویچره نك هر طرفی اولدیغی كبی، بو ناحیه دخی طاغلق یرلردن عبارت ایسه ده، هیج برطاغنك ٨٨۰ متره دن زیاده ارتفاعی یوقدر. (آر) نهرینك صول طرفنده كی یرلر اراضیْ كلیسه دن اولوب، (جورا)‌ سلسله سنه، ونهر مذكورك صاغ طرفی ایسه آلب سلسله سنه منسوب وبعض منبت دره لر ومرعالرله مستور اوله رق، طاغلر تپه لرینه قدر آغاجلیدر. بو طرفده اسویچره ایلیجه لرینك اك ایشلكی اولان (شینچناخ)‌ ایلیجه سی بولنور. (آر) نهرندن بشقه بونهره ویاخود طوغریدن طوغری یه (رین) ە دوكیلیر بر قاچ چایی ده واردر، كه بونلرك اك بیوكلری (رایس) و (لیمات) چایی ده واردر، كه بونلرك اك بیوكلری (رایس) و (لیمات) چایلری اولوب، بونلرده (آر) و (رین)‌ كبی سیر سفاىٔنه صالحدرلر. هواسی (جورا) سلسلۀ جبالنه منسوب اولان غرب طرفنده پك قرارسز وسرت ایسه ده، آلپ سلسله سنك اتكلرنده‌ دها معتدلدر. آنجق بو طرفده كی اهالینك چوغنده كردان اوری بولنور، وصاغر ودیلسز طوغمش آدملری چوقدر. كمور وتباشیر معدنلریله معدن صولری واردر. اراضیسی منبت اولوب، غایت كوزل ده ٩

اورا حكمدارینك قیزی (میدیا) نك یاردمیله آلتون یپاغی قاپمشلر؛ وبر روایته كوره طونه طریقیله آق دكیزه، دیكر برروایته كوره ده (وولغا) نهری طریقیله‌ بحر بالطیقه واورادن بحر محیىط آطلاسی یه چیقمش، وسبته بوغازندن آق دكیزه كیره رك، مملكتلرینه عودت ایتمشلردر. طونه و (وولغا) نك بحر سفید وبحر بالطیقله اختلاطلری اولمدیغندن، بونلرك بو ایكی طریقك بریله عودتلری بو روایتك بر مصالدن عبارت اولدیغنی كوستریور. مورخینك بعضیسی بوسیاحتك سیاراتك حركاتندن كنایه اولدیغنی بیان ایتمشلر ایسه ده، بعضیسی ده اساساً بویله بر سیاحتك وقوع بولمش اولدیغنی، وقافقاسیه ده كی آلتون معدنلرینی اخراج ویاخود اورالرینی اسكان ایتمك مقصدیله وقوعنی التزام ایتمشلردر. هر حالده بو سیاحتك میلاددن ١٣ عصر اول وقوعی مظنون اولوب، بو وقوعات یونان قدیم شعرا ومورخلرینی پك چوق اشغال ایتمشدر. یونانك اك اسكی شاعری اولان (اورفیوس) بوسیاحتی نظمه چكمش ایسه ده، بو شاعرك منظومه سی اصلی اوزرینه محافظه اولنه میوب، متأحزین طرفندن تغییر اولنمشدر. بعده ردوسلی (آپولونیوس) دخی بوكاداىٔر یونان لساننده بر منظومه یازمش اولدیغی كبی، (والریوس فلاقوس) دخی لاتین لساننده بو حكایه یی نظمه چكمشدر. بو حكایه جغرافیا حقنده او وقنكی معلوماتی مصور اولمق حسبیله اهمیتی حاىٔزدر.