Argoun Han ~ آرغون‌خان
Kamus-ul'Alam - Argoun Han ~ آرغون‌خان maddesi. Sayfa: 128 - Sira: 5
Argoun Han - آرغون‌خان
چنكیزك سلاله سندن ابقاخانك اوغلی وهلاكونك تورونی ایدی. پدرینك حیاتنده خراسانده والی اولوب، پدرینك وفاتنده تخت سلطنته اوتورمش اولان سلطان احمدك (كه اصل اسمی تكودار ایدی) ، شرف اسلامله مشرف اولمسندن طولایی سلطنتنی طانیمق ایستمیه رك، برادرلریله برابر عصیانله، مشارالیه سلطان احمدی قتل، و ٦٨٣ تاریخ هحریسی جمادی الاولنده تبریزده
تخته جلوس ایتمشدر. پدرینك وزیری اولوب، مغول حكمدارلری سراینك احوالندن بیزار اولمغله، اصفهانده اختیار عزلت ایتمش اولان صاحب دیوان شمس الدین محمدی، پدری ابقا خانی تسمیم ایتمش اولمق افتراسیله، درت اوغلیله معاً قتل ایتمشدر. ظالم ونا اهل بر حكمدار اولوب، امور حكومتی امیر بوغا وطبیبی اولان یهودی سعدالدوله نك الینه براقمش؛ وسعدالدوله نك، حركات واقعه سندن طولایی، رجال دولت طرفندن قتل اولنمسی اوزرینه، كدرندن ٦٩۰ سنۀ هجریه سی ربیع الاولنك بشنجی كونی فوت اولمشدر. مدت سلطنتی ٦ سنه ٩ آیدر.
Kamusul Alam, Şemseddin Sami; Kamusul Alamde Argoun Han maddesi. osmanlıcada Argoun Han ne demek, Argoun Han anlamı manası, Argoun Han osmanlıca nasıl yazılır. Osmanlıca sözlükte Argoun Han hakkında bilgi. Arapça Argoun Han ne demek. Arapça osmanlıca sözlük. Farsçada Argoun Han anlamı
Kamusul Alamde - آرغون‌خان Argoun Han maddesi. Şemseddin Sami, Kamusul Alam Ansiklopedisi