Arcadie ~ آرقادیا
Kamus-ul'Alam - Arcadie ~ آرقادیا maddesi. Sayfa: 130 - Sira: 10
Arcadie - آرقادیا
یونانك موره شبه جزیره سنده كی ایالاتندن بر ایالتدر، كه شبه جزیرهْ مذكوره نك وسطیله سواحل شرقیه سنك بر قسمنی جامع اولوب، شمال و شمال غربی طرفندن آخاىٔیا مع الیده ایالتیله، شمال شرقی طرفندن آرغولیده مع قورتنه ایالتیله، شرقاً (ناوپلیا) كورفزیله، جنوباً (لاقونیا) ایالتیله، غرباً وجنوب غربی طرفندن دخی (مسینیا) ایالتیله محدود ومحاطدر. آرقادیا ایالتی بروجه
آتی درت قضایه منقسمدر : غورتنیا، مانیتنیا، كینوریا، مغالوپولیس. مركزی ایالت تریپولیچه شهریدر. ایالتك قسم اعظمی موره شبه جریره سنك مركزنده اولان طاغلق ومرتفع محللردن عبارت اولوب، هواسی غایت سرت واراضیسی زراعته غیر صالحدر. طاغلرینك اك مرتفعلری (لیكیون) و (منال) طاغلریدر. موره شبه جزیره سنك اك مرتفع یری اولمق مناسبتیله بو شبه جزیره نك هر طرفنه آقان نهرلردن اكثریسی بو مملكتك طاغلرندن نبعان ایدیور. بونلرك اك بیو كی زمان قدیمده (آلفیا) والیوم (روفیا) دنیلن نهردر، كه بری آرقادیانك شمالنده ودیكری جنوب غربیسنده آقه رق (مسینیا) و (الیده) حدودنده بر لشنلن ایكی چایك اجتماعندن حاصل اولوب، آرقادیانك حدودندن دكیزه قدر الیده ایله مسینیانك خط حدودینی تعیین ایدر. اهالیسی باشلیجه چوبانلقله چكینیرلر. یالكز ساحلده بولنان (كینوریا) قضاسنك بعض منبت وكوزل دره وبایرلری وبر قاچ كوچك لیمانی واردر. ایالتك سطحی ٣٢٩۰ مربع كیلومتره، واهالیسی ١٣١٧٤۰ كشیدر، كه هر مربع كیلومتره باشنه ٢٥ كشی دوشر. زمان قدیمده آرقادیا شرق جنوبی طرفندن دكیزه قدر ممتد اولمیوب، موره شبه جزیره سنك مركزندن عبارت، وموقعنك متانتیله واهالیسنك جسارت ووحشیلكیله مشهور ایدی. آرقادیالیلر اسكیدن بری چوبانلقله مشغول اولوب، باشلیجه مرعالر الهی زعم اولنان (پان) ە وخرسزلق الهی عطارده عبادت ایدرلردی. ابتدا هر بری كندی باشنه بر جمهوریت حالنده اولان اون بر ناحیه دن عبارت اولوب، بر مركزی عمومیسی یوغیدیسه ده میلاددن ٣٧۰ سنه اول (مغالوپولیس) یعنی ((بیوك شهر)) نامیله بر شهر تأسیس، وبونی مركز اتخاذ ایتمشلردر. اوندن اول آرقادیانك حكمدارلری بولنمش ایسه ده، بونلردن ایكنجی آرستوقرات متفقلری بولنان مسینه لیلره خیانت ایتدیكندن، میلاددن ٦٧١ سنه اول اهالی حكمدارلغی لغو ایدوب، بر وجه مشروح اون بر ناحیه نك هر بری كندی كندینه اداره اولنمغه باشلامشلردی. آرقادیا مؤخراً آخاىٔیا هیىٔت اتفاقیه سنه داخل اولمشیدی. وبو اتفاقك اك بیوك سردارلرندن (فیلوپومن) آرقادیالی ایدی. میلاددن ١٤٦ سنه اول
بوده یونانك ساىٔر طرفلری كی رومالیلرك النه دوشمش؛ ومیلادك ١٢۰٤ تاریخنده وندیكلیلر طرفندن ضبط؛ و ٨٧٥ تاریخ هجریسنده، یونانك ساىٔر بر چوق طرفلریله برابر، ابوالفتح سلطان محمد ثانی حضرتلرینك ید جلادتلریله فتح اولنه رق، یونانك استقلالنه دكین ممالك عثمانیه دن معدود بولنمشدر. _ ایمپراطور (آرقادیوس) ە نسبتله بر آره لق مصرك برقسمنه دخی بو نام ویرلمشدر.
Kamusul Alam, Şemseddin Sami; Kamusul Alamde Arcadie maddesi. osmanlıcada Arcadie ne demek, Arcadie anlamı manası, Arcadie osmanlıca nasıl yazılır. Osmanlıca sözlükte Arcadie hakkında bilgi. Arapça Arcadie ne demek. Arapça osmanlıca sözlük. Farsçada Arcadie anlamı
Kamusul Alamde - آرقادیا Arcadie maddesi. Şemseddin Sami, Kamusul Alam Ansiklopedisi