Arkansas ~ آرقانساس
Kamus-ul'Alam - Arkansas ~ آرقانساس maddesi. Sayfa: 132 - Sira: 5
Arkansas - آرقانساس
آمریقای شمالیده ممالك مجتمعه نك ((قیالی طاغلر)) ندن ْ٣٩ عرض شمالی ایله ْ١۰٩ طول غربیده نبعان ایله،
شرق وشرق جنوبی یه طوغری آقه رق، (ایندیانه) یاخود (هندیانه) نهرینی دخی صاغدن اخذ ایله، َ٥٤ ْ٣٣ عرض شمالی و َ٣۰ ْ٩٣ طول غربیده (میسیسیپی) ایرماغنه دوكیلور بر نهردر. بو نهر (قولورادو) جمهوریتنده باشلایوب، (قانساس) جمهوریتیله ((هندیلر مملكتندن)) چكدكدن صكره، (آرقانساس) جمهوریتنك حدود غربیه سنه قدر واصل اولور. مجراسی غایت طولاشیقلی ایسه ده، دوز وساكن اولوب، قیالری وپك اینیشلی یرلری یوقدر. طولی ٣۰۰۰ كیلومتره قدر اولوب، طولجه (میسوری) دن صكره میسیسیپینك اك اوزون تابعی ایسه ده، صوینك مقدارنجه (اوهیو) دن صكره كلیر. سنه نك اكثر موسملرنده كمیلر (میسیسیپی) یه دوكلدیكی محلدن ١٣۰۰ كیلومتره یوقاری یه قدر چیقار. بو نهرك مجراسنده بیوك شهر اوله رق یالكز (لیتله روق) شهری بولنیور، كه آقانساس جمهوریتنك مركزیدر.
Kamusul Alam, Şemseddin Sami; Kamusul Alamde Arkansas maddesi. osmanlıcada Arkansas ne demek, Arkansas anlamı manası, Arkansas osmanlıca nasıl yazılır. Osmanlıca sözlükte Arkansas hakkında bilgi. Arapça Arkansas ne demek. Arapça osmanlıca sözlük. Farsçada Arkansas anlamı
Kamusul Alamde - آرقانساس Arkansas maddesi. Şemseddin Sami, Kamusul Alam Ansiklopedisi