Arkansas ~ آرقانساس
Kamus-ul'Alam - Arkansas ~ آرقانساس maddesi. Sayfa: 132 - Sira: 7
Arkansas - آرقانساس
آمریقای شمالیده ممالك مجتمعه نك وسطلرنده بولنان جمهوریتلردن اولوب، هیىٔت متفقه یه دخولی صره سنجه ٢٦ نجی و اهالیسنك كثرتنجه ٢٥ نجی جمهوریتدر. غربدن شرقه ایچندن چكه رق (میسیسیپی) ایرماغنه دوكیلن (آرقانساس) نهرینك اسمیله تسمیه اولنمشدر. سطحی ١٩٣ ١٣٥ مربع كیلومتره اولوب، مربعه قریب بر شكلده در، چونكه اطراف ثلثله سی، ممالك مجتمعه نك اكثریسنده اولدیغی كبی، خطوط مستقیمه ایله محدود اولوب، یالكز شرق جنوبی حدودی (میسیسیپی) نهرینك مجراسندن عبارتدر. شمالاً (میسوری)، غرباً ((هندیلر مملكتی)) و (تكساس)، جنوباً (لوییزیانه) وشرقاً دخی (میسیسیپی) و (تنس) جمهوریتلریله محدود ومحاطدر. شرق طرفنك یعنی (میسیسیپی) ایرماغی وادیسنك اكثر طرفلری بطاقلق ایسه ده، غرب شمالی طرفنده كی (اوزارق) طاغلرینك اتكلرنده هوا معتدل اولوب، اقالیم معتدله یه مخصوص نباتات و محصولاتی، وآرقانساس نهرینك جنوبنده دخی هوا زیاده جه صیجاق اولوب، ممالك حاره یه محصوص محصولاتی واردر. _ بو مملكت میلادك ١٥٤١ تاریخنده اسپانیالی (سوتو) طرفندن كشف، و ١٦١٥ تاریخنده فرانسزلر طرفندن اسكان اولنه رق، (لوییریانه) نامیله تسمیه اولنان بیوك قطعه-
نك اقسامندن عد اولنمش؛ و ١٨۰٣ تاریخنده بو قطعه ایله برابر بیوك بو باپارت طرفندن ممالك مجتمعه هیىٔتنه صاتلمشدر. ١٨١٩ ده لوییزیانه دن آیریلوب، آیریجه بر ایالت اعتبار، و ١٨٣٦ ده بر جمهوریت صفتیله ممالك مجتمعه هیىٔت متفقه سنه قبول وادخال اولنمشدر. ممالك مجتمعه نك اك آز ترقی ایتمشلرندن اولوب، فابریقه لری هیج یوق ایسه ده، وساىٔط نقلیه نك فقدانندن طولایی الآن لایقیله ایشلنمه مكده در. مركزی (لتیله روق) شهری اولوب، بوندن بشقه بیوك شهری یوقدر. اهالیس ١٨٣۰ تاریخنده ١٤٢٧٣ كشیدن عبارت بولنمش ایكن، ١٨٧٣۰ تاریخنده ١٦٧ ٤٨٤ كشی یه بالغ اولمشیدی؛ او وقتدن بری البته دها آرتمشدر.
Kamusul Alam, Şemseddin Sami; Kamusul Alamde Arkansas maddesi. osmanlıcada Arkansas ne demek, Arkansas anlamı manası, Arkansas osmanlıca nasıl yazılır. Osmanlıca sözlükte Arkansas hakkında bilgi. Arapça Arkansas ne demek. Arapça osmanlıca sözlük. Farsçada Arkansas anlamı
Kamusul Alamde - آرقانساس Arkansas maddesi. Şemseddin Sami, Kamusul Alam Ansiklopedisi