Adaleide ~ آدلاييده
Kamus-ul'Alam - Adaleide ~ آدلاييده maddesi. Sayfa: 56 - Sira: 7
Adaleide - آدلاييده
آوسترالیاده (سوت اوسترالیا) یعنی ((آوسترالیای جنوبی)) ایالتنك مركزی بولنان شهر در، كه ساحل بحردن ١٥ كیلومتره ایچویده و (تورنس) نهرینك ایكی كنارنده غایت دلنشین بر موقعده و َ٥٥ ْ٣٤ عرض جنوبی ایله ً٥ َ١٣٦ طول شرقیسنده واقع اولوب، ١٨٦١ تاریخ میلادیسنده اجرا اولنان تحریرده ٢٣۰۰۰ اهالیسی وار ایدی؛ آنجق بو مقدار او وقتدن بری دها پك چوق تزاید ایتمش اولسه كركدر. سوقاقلری غایت كنیش وهر طرفدن زوایای قاىْمۀ تشكیل ایده جك صورتده منتظم اولوب، شهرك ایچنده آلتی واسع میدان بولنیور. اك كوزل
ابنیه سی: حكومت قوناغی، بانقه داىٔره سی، مجلس معبوثان داىٔره سی، بری قتولیكلره وایكیسی پروتستانلره مخصوص اوله رق اوچ كلیسا و (تورنس) نهری اوزرندكی طاش كوپریدر. (سن و ینس) كورفنده واقع اولان (آدلاییده) لیمانندن شهره قدر بر دمیر یولی خطی انشا اولنمشدر، كه محصولات محلیه نك همان كافه سی بو طریقله اخراج اولنیور. ایالتك اك معمور ناحیه لری بو شهرك ٢۰۰ كیلومتره لك جوارنده بولنیور. آوسترالیای جنوبینك حبوباتی دنیانك اك كوزل حبوباتی اولوب، بحر محیط كبیر جزایرینه وتا امید بروننه قدر دخی بغدای ودقیق اخراج اولنمقده در.
Kamusul Alam, Şemseddin Sami; Kamusul Alamde Adaleide maddesi. osmanlıcada Adaleide ne demek, Adaleide anlamı manası, Adaleide osmanlıca nasıl yazılır. Osmanlıca sözlükte Adaleide hakkında bilgi. Arapça Adaleide ne demek. Arapça osmanlıca sözlük. Farsçada Adaleide anlamı
Kamusul Alamde - آدلاييده Adaleide maddesi. Şemseddin Sami, Kamusul Alam Ansiklopedisi