Adrien ~ آدريان
Kamus-ul'Alam - Adrien ~ آدريان maddesi. Sayfa: 54 - Sira: 2
Adrien - آدريان
یاخود آدریانوس روما حكمدارلرندن اولوب، میلادك ٧٦ تاریخنده براسپانیول فاملیاسنده تولد ایتمش، و ذاتاً اقرباسندن بولنان ایمپراطور (ترایان) طرفندن اخرت اولان دلغنه قبول اولنمشیدی. ١١٧ تاریخنده، سوریه والیسی ایكن، ترایانك وقوع وفاتی اوزرینه، رومایه كیدوب، ایمبراطور لق تختنه جلوس ایتمش؛ ودولتنك ضبط واداره اولنه میه جق درجه ده توسیعی مسلكنی ترك ایله، ایران دولتیله عقد مصالحه، و(آلن) وسارمات. و (داچ) قوملرینی [بو كلمه لره مراجعت] دفع وتنكیل ایتد كدن صكره، زمان سلطنتنك اك چوغنی مالكنی دور ایتمكله جكیر مشدر. اقوام حسنیه نك مهاجماتنه بر سد اولمق اوزره، انكلتره ده (قالدونیا) ایله (برتانیا) آره سنده ٨۰ میل اوزونلغنده بر
دیوار چكدیرمش. خرستیانلغی قبول ایتمش اولان (قادراتوس) و (آرستید) نام ایكی فلیسوفك مراجعتی اوزرینه، بو دین جدیدی قبول ایدنلر حقنده كی جبر و تضییقه ختام ویرمش. یهودیلرك ایكی دفعه اختلاللرك وقوع بولمغله، برنجیسنده كندیلرینی مغلوب، وقدسی تخریب؛ وایكنجیسنده، كه میلادك ١٣٦ تاریخنده، یهودیلری للابد مملكتلرندن چیقاروب، طاغیتمش، وقدسی (ایلیا قاپتیولینه) نامیله یكیدن تأسیس ایتمش. آتنه ده نا تمام قالمش اولان (او لیمبو سلی مشتری) نك معبدینی اكمال، وروماده بو كون (سنت آنجلو) قلعه سی دنیلن كندی تربه سنی واورایه سوق ایدن كوپری یی بنا ایتمشدر. فرانسه نك (نیم) شهرنده خرابه سی بولنان اسكی تیاترونك دخی بانیسی بو اولدیغی مظنو ندر. ١٣٨ تاریخنده (بایه) شهرنده وفات ایدوب، سلطنتی (آنطونن) ە ترك ایتمشدر. (دریان) عادل بر حكمدار اولوب، پك حكمیانه قانونلری وضع، وذاتاً كندیسی ماهر هیكلتراش وموسیقی شناس اولمغله، فنون وصنایعی حمایه ایتمش ایسه ده، (آنتینو ىٔوس) اسمنده بر كوزل دلیقانلی یه ابتلاسیله نامنی لكه دار ایتمشدر. هرنه قدر خرستیانلغی منع ایتمه مش ایسه ده، كندیسی دین قدیمنده پك ثابت قدم ایدی.
Kamusul Alam, Şemseddin Sami; Kamusul Alamde Adrien maddesi. osmanlıcada Adrien ne demek, Adrien anlamı manası, Adrien osmanlıca nasıl yazılır. Osmanlıca sözlükte Adrien hakkında bilgi. Arapça Adrien ne demek. Arapça osmanlıca sözlük. Farsçada Adrien anlamı
Kamusul Alamde - آدريان Adrien maddesi. Şemseddin Sami, Kamusul Alam Ansiklopedisi