Adelaide ~ آدلاييده
Kamus-ul'Alam - Adelaide ~ آدلاييده maddesi. Sayfa: 56 - Sira: 4
Adelaide - آدلاييده
هبورغونیا حكمداری ایكنجی (رودولف) ك قیزی اولوب، پدری ایتالیایی (پروانسه) قونتی (هوغ) دن ضبط ایتمك داعیه سنده بولنمش ایكن، مؤخراً (ادلا بیده) نك مرقوم هو غك اوغلی (لوتر) ە وارسی اوزرینه، بونك ایتالیا حكمدارلغی رودولف طرفندن‌دخی تصدیق ایدلمشیدی. لوترك جفاتندن صكره ایتالیایی ضبط ایدن ایكنجی (برانثره) آدلاییدءیی كندی اوغلی (آدالبر) ە ویرمك ایستمش، وبوكا رضا ویرمدیكیچون، كندیسنی بر قلعه یه حبس ایتمشیدی. مؤخراً (قانوسه) پرنسی (آلبر توآچو) طرفندن محبو سیتدن قورتاریلوب، ٩٥١ تاریخ میلادیسنده (ساقس) حكمداری (وتون) ە وارمش، وبو حكمداره ایتالیانك ضبطنی ادعا ایتمك حقنی قزاندیر مشیدی. تورونی اوچنجی (اوتون) ك صباوتی زماننده اون سنه ناىٔبۀ حكومت اولوب، غایت حكمیانه ادارۀ ملكه موفق اولمش، و ٩٩٩ تاریخنده وفات ایتمشدر. خرستیانلر بوكا قزیزه نظریله باقوب، كانون اول افرنجینك ١٦ سنده یوم مخصوصنی اجرا ایدرلر. ایكی حكمدارك زوجه سی وبرینك ده بیوك والده سی اولوب، ((دولتلر والده سی)) لقبنی احراز ایتمشیدی.
_ (سنت آدلاییده) اسمیله دیكر بر عزیزه دها واردر، كه (كلدره) قونتی (منكندوس) ك قیزی اولوب، قولونیه ده كی (نوتردام) مناسترینك باش راهبه سی بولنمش، و میلادك ١۰١٥ تاریخنده وفات ایتمشدر. یوم مخصوصی شباط افرنجینك ١٥ نده در. بونامله فرانسه خاندان حكمدار یسنه منسوب بر قاچ قادین دخی بولنوب، بری (لویی بغ) ك زوجه سی و (شارل سمپل) ك والده سی، بری (هو غ قاپت) ك زوجه سی و (روبر) ك والده سی، بری ده (ساووآلی آلیكس) نامیله مشهوره اولوب، شیشمان (لویی) نك زوجه سی بولنمش، واونك وفاتندن صكره (مو نتمو رنس) لی (ماتیو) یه وارمشدر.
Kamusul Alam, Şemseddin Sami; Kamusul Alamde Adelaide maddesi. osmanlıcada Adelaide ne demek, Adelaide anlamı manası, Adelaide osmanlıca nasıl yazılır. Osmanlıca sözlükte Adelaide hakkında bilgi. Arapça Adelaide ne demek. Arapça osmanlıca sözlük. Farsçada Adelaide anlamı
Kamusul Alamde - آدلاييده Adelaide maddesi. Şemseddin Sami, Kamusul Alam Ansiklopedisi