Adriatique ~ آدرياتیق
Kamus-ul'Alam - Adriatique ~ آدرياتیق maddesi. Sayfa: 53 - Sira: 4
Adriatique - آدرياتیق
آق دكیزك (وندیك كورفزی) نامیله دخی معروف بیوك بر كورفزیدر، كه غرباً ایتالیا وشرقاً ارناؤدلق ودالماچیا آره سنده واقع اولوب، ٤۰ْ عرض شمالینك بر آز اوست طرفنده بولنان (اوترانته) كورفزندن َ٤٨ ْ٤٥ عرض شمالیده تشكل ایدن تریسته كورفزینه قدر ممتد اولور. جنوب شرقیدن شمال غربی یه طوغری اولان طولی ٨٣٥ كیلومتره در. ایتالیا طرفنده اولان سواحل غربیه سی (اوترانته) دن تا (راونه) شهرینه قدر آز مرتفع اولوب، سفایتك یناشمه سنه پك الویریشلی ایسه ده، سواحل شرقیه سی و علی الخصوص شمال طرفی قیالق اولوب، اوكی صیغلر، طاشلر وآطه لرله مملو اولدیغندن، سفاىٔن حقنده پك مخاطره لیدر. مع هذا بو آطه وبرونلر پك امین بعض لیمانلر تشكیل ایتدكلرندن، ایستریا ودلماچیاده پك ماهر كمیجیلر یتیشیور. آدریاتیق دكیزینه دوكیلن نهرلرك اك بیو كلری ایتالیانك جهت شمالیه سنده كی (پو) و (آدیح) نهرلریله آر ناؤدلقده كی (درین) نهریدر. آلپ طاغلرینك شعبه لرندن دها بر چوق كوچك نهرلر آقیور، كه بونلرك مجرالری قیصه ایسه ده، اكثرریسی طاغلردن وقیالردن اینن سیللردن متشكل اولمغله، دكیزه كلیتلی صو دوكیورلر؛ ایزونچو، تالیامنتو، لیونزا، پیاوه، سیله، برنته، نیماو، اومله بو نهرلرك جمله سندندر.(آدیج) ایله (پو) وآر ناؤد لقدن اینن (سمان) و (اركنت) كبی نهرلر كلیتیلی چاموروقوم ایندیر دكلرندن، آدریاتیق دكیزینك سواحلی اسكیدن بری خیلی دكیشمش، وكوندن كونه دكیشمكده در. بو ترسباتدن بعض طرفلرنده سواحل دكیزك ایچنه او قدر اوزانمشدر. كه وقتیله ساحل بحرده بولنمش اولدقلری معلوم اولان نیجه قصبه لر شمدی دكیزدن خیلی اوزاق بولنمقده در. بو دكیزك عمقنه كلنجه. شمال طرفلرنده سواحله یقین آنجق یدی سكز متره لك صویی اولوب، انكینی دخی آلتمش آلتمش بش متره دن زیاده درین دكل ایسه ده، جنوبه طوغری انیلدجكه عمقی آرته رق، ایتالیانك (باری) اسكله سیله
آرناؤدلق ساحل آره سنده ١٢٧٥ متره لك اسقاندیل ایله دیبی بولنه مامشدر. قپوسی مقامنده اولان (اوترانته) بو غازنده دخی آلتی یدی یوز متره عمقی واردر. آدریاتیق دكیزینك صولری آق دكیزك ساىٔر هر طرفندن زیاده طوزلیدر. مدوجذر آق دكیزك هر طرفنده اولدیغی كبی، بو دكیزده دخی آز فرق اولنیورسه ده، وندیكده به قاچ قدم مدوجذر اولیور. یازین آدریاتیقده سیر سفاىٔن امین ایسه ده، قیشین، جنوب شرقی روزكارینك شدتلی اسمندن وساحله قریب اولان قیالرك كثرتندن طولایی، بر آز مخاطره لیدر. آق دكیزدن آدریاتیقه بر آقنتی كیروب، آرناؤدلق ودالماچیا سواحلندن چكه رك،
Kamusul Alam, Şemseddin Sami; Kamusul Alamde Adriatique maddesi. osmanlıcada Adriatique ne demek, Adriatique anlamı manası, Adriatique osmanlıca nasıl yazılır. Osmanlıca sözlükte Adriatique hakkında bilgi. Arapça Adriatique ne demek. Arapça osmanlıca sözlük. Farsçada Adriatique anlamı
Kamusul Alamde - آدرياتیق Adriatique maddesi. Şemseddin Sami, Kamusul Alam Ansiklopedisi