Adelard ~ آدلار
Kamus-ul'Alam - Adelard ~ آدلار maddesi. Sayfa: 55 - Sira: 7
Adelard - آدلار
(شارلمارتل) ك تورونی و مشهور (شارلمان) ك عمزاده سی اولوب، میلادك ٧٥٣ نده طوغمش، و ٨٢٧ سنده وفات ایتمشدر. ابتدا (قوریی) مناسترنده باش راهب اولوب، ٧٩٦ تاریخنده ایتالیا حكمداری (پپین) ك باش وكیل اوله رق، كرك اونك و كرك اوغلی (برنار) ك زماننده حكمیانه ادارهٔ ملكه موفق اولمش ایسه ده، مؤخراً (لویی دیونر) طرفندن (نو آر موتیه) آطه سنه
نفی اولنه رق، یدی سنه اقامت ایتدیرلمش ایدی. (شارلمان) طرفندن تشكیل ایدلمش اولان مجلس معارفه اعضالق ایتمش، و بعض آثار قلمیه براقمشدر.
Kamusul Alam, Şemseddin Sami; Kamusul Alamde Adelard maddesi. osmanlıcada Adelard ne demek, Adelard anlamı manası, Adelard osmanlıca nasıl yazılır. Osmanlıca sözlükte Adelard hakkında bilgi. Arapça Adelard ne demek. Arapça osmanlıca sözlük. Farsçada Adelard anlamı
Kamusul Alamde - آدلار Adelard maddesi. Şemseddin Sami, Kamusul Alam Ansiklopedisi