Adra ~ آدره
Kamus-ul'Alam - Adra ~ آدره maddesi. Sayfa: 52 - Sira: 16
Adra - آدره
(بارونی فارنسوآ دو بومون.) فرانسه ده اون آلتنجی عصر میلادیده خروج ایتمش اولان پروتستانلر روْساسندن اولوب، ١٥١٣ تاریخ میلادیسنده (غرنوبل) شهری مضافاتندن (دوفینه)
قصبه سنك جوارنده بولنان (آدره) قریه سنده طوغمش، و (كیزه) دوقه سیله واقع اولان بر منازعه سی اوزرینه، پروتستانلغی قبول ایله، فرانسه نك جنوب طرفلرنده پروتستانلق دعواسیله خروج ایتمش اولان (قونده) یه التحاق ایدوب، فوق العاده بر جسارت كوستره رك، قتولیكلردن والنسه، لیون، غونوبل، ویانه، اورانژ، مونته لیمار قصبه لرینی وساىٔر جهتلری ضبط ایتمش ایسه ده، ارتكاب ایتدیكی ظلم و تعدی ایله نامنی لكه دار ایتمشدر. مصالحه ایچون مخابراتده ایكن، اله ویریله رك، توقیف اولمش، وبعده ١٥٦٣ مصالحه سیله سبیلی تخلیه اولنمشیدی. (لیون) ولایتنك والیلكی كندیسنه ویرلمدیكیچون، مؤخراً پروتستانلر طرفنی براقوب، قتو لیكلكه و رجوع، و ١٥٨٦ تاریخنده ایكی طرفدن دخی منفور ومتنفر اوله رق وفات ایتمشدر.
Kamusul Alam, Şemseddin Sami; Kamusul Alamde Adra maddesi. osmanlıcada Adra ne demek, Adra anlamı manası, Adra osmanlıca nasıl yazılır. Osmanlıca sözlükte Adra hakkında bilgi. Arapça Adra ne demek. Arapça osmanlıca sözlük. Farsçada Adra anlamı
Kamusul Alamde - آدره Adra maddesi. Şemseddin Sami, Kamusul Alam Ansiklopedisi