ابن ابی عماره

Osmanlica ansiklopedi kamus alemde ابن ابی عماره maddesi. Sayfa:597


İbni Ebi Imare - ابن ابی عماره

(احمد مرزوق) عن اصل مسیله لی اولوب، جزایرده كی بجایه ده نشأت ایتمش بر آدمدر، كه یدنجی قرن هجریده یاشایوب، كویا بعض عارفیندن كندیسنك پادشاه اوله جغنی استبشار ایتمش اولمغله، ملك لقبیله تلقب ایدردی. بر وقت و طننی تركله، (سجلماسه) صحراسنه كیدوب، خارق العاده بر طاقم ادعالرده بولنمش، و فاطمیلردن اولدیغنی اشاعه ایتمشیدی. بر مدت صكره اوراده فویه سی میدانه چیقنجه، مملكتدن مملكته كزمكه باشلایوب، طرابلس جهتلرینه كلمش؛ و اورالرده بر طاقم آدملری اغفال ایله، طرابلس طرفلرینی ضبط، و ٦٨١ تاریخلرنده تونسك قیروان و سوسه وساىٔر بلادینی دخی استیلا ایله، بنی حفصله محاربه ایدوب، قزاندیغی غالبیت اوزرینه، تونس‌ وساىٔر جهاتی دخی اله كچیرمشیدی. تونسه كیرنجه، موسی بن یاسینی وزیر و ابوالقاسم احمد بن شیخی حاجب اتخاذ ایده رك، عادتا اركان سلطنتی قورمش؛ و مورخ مشهور ابن خلدونك جدینك پدری ابو بكر بن حسین ابن خلدونی قتل و مالنی مصادره ایتمشدی. بعده بنی حفص خانداننك افرادینی حبس ایتدكدن صكره، بونلردن قورتلمش اولان ابو فارسله محاربه ایده رك، مومی الیهی مغلوب، و كندی الیله قتل ایتمش؛ و خاندان مذكورك دیكر اعضاسنك اكثیرینی دخی اعدام ایله، بجایه وساىٔر اطرافی ضبط ایده رك، ممالكنی توسیع ایتمشدر. بو وجهله قوت و مكنت حاصل ایتدكدن صكره، ظلم و اعتسافه و سفك دمایه باشلادیغندن، تبعه سی و عسكری كندیسندن روكردان اولوب، اولجه فرارله او صره ده ظهور ایتمش اولان ابو حفصله برلشمشلر؛ و صاحب ترجمه مغلوب اولوب، ٦٨٢ تاریخنده بر اشكك اوزرنده كزدیرلدكدن صكره، قتل اولنمشدر. تونسده مدت حكومتی بر بچق سنه قدردر.

Kamusul Alamde İbni Ebi Imare maddesi, ابن ابی عماره osmanlica tarih ve cografya ansiklopedisi İbni Ebi Imare nedir anlami. hakkinda bilgi



3 10 17 24 31 38 45 52 59 66 73 80 87 94 101 108 115 122 129 136 143 150 157 164 171 178 185 192 199 206 213 220 227 234 241 248 255 262 269 276 283