Ankara ~ آنقره
Kamus-ul'Alam - Ankara ~ آنقره maddesi. Sayfa: 442 - Sira: 1
Ankara - آنقره
سنجاغی. آنقره ولایتنك همان نصفنه قریب اولان قسم عربیسندن عبارت اولوب، شمال و جنوب و غرب طرفندن ولایتك حدودیله محدوددر، و شرقاً قزیل ایرماق مجراسیله قیر شهری سنجاغندن آیرلمشدر. قسم اعظمی سقاریه ایرماغی حوضه سی داخلنده اولوب، یالكز شرق طرفنده بر مقداریرینك صولری قزیل ایرماغه دوكیلور. شرقدن غربه اولان طولی قوش اوچشی حسابیله تقریباً ٢۰۰ و شمالدن جنوبه اولان عرضی ینه او حسابله تقریباً ١٧٥ كیلومتره اولوب، مساحۀ سطحیه سی تخمیناً ۰۰۰۰ ٣۰ مربع كیلومتره در. سنجاغك شمال قسمی طاغلق اولوب، قسم جنوبیسی حیمانه اووه سندن عبارتدر. مادۀ آنفه ده كی جدولدن آكلاشلدیغی اوزره، بو سنجاق ١١ قضا و ١٨ ناحیه یه منقسم اولوب، اهالیسی تقریباً ٢١۰۰۰۰ نفوسدن عبارتدر، كه بونلرك ١۰۰۰۰ قدری خرستیان و یهودی و قصوری كاملاً اسلامدر. سنجاق داخلنده ٥١٦ جامع شریف، ٢٧٩ مسجد، ٥٧ مدرسه، ٣ رشدیه مكتبی، ٤١٩ اسلام و ٨ خرسیتان صبیان مكتبی واردر. بو سنجاق وسعتجه ولایتك نصفنه قریب اولدیغی حالده، نفوسجه بر ربعی نسبتنده اولوب، بوده جنوب جهتنده اولان حیمانه اووه سنك همان غیرمسكون بر حالده بولنمسندن ایلری كلیور. [ساىٔر تفصیلان ایچون مادۀ آنفه یه مراجعت بیوریله.]
Kamusul Alam, Şemseddin Sami; Kamusul Alamde Ankara maddesi. osmanlıcada Ankara ne demek, Ankara anlamı manası, Ankara osmanlıca nasıl yazılır. Osmanlıca sözlükte Ankara hakkında bilgi. Arapça Ankara ne demek. Arapça osmanlıca sözlük. Farsçada Ankara anlamı
Kamusul Alamde - آنقره Ankara maddesi. Şemseddin Sami, Kamusul Alam Ansiklopedisi
Ankara ~ آنقره güncel sözlüklerde anlamı:
Ankara :::