İbni Alkame - ابن علقمی

(ابو طالب مؤید الدین محمد بن محمد) خلافت عباسیه نك صوك وزیری اولوب، مستعصمك زمان خلافتنده ١٤ سنه وزارت ایتمشدر. رافضی المذهب اولوب، بغدادده سنیلرله شعییلر آره سنده و قوعبولان بر منارعه اوزرینه، خلیفه نك اوغلی ابو بكر و دواتدار ركن ایدینك امریله شیعیلرك محله سی عسكره یغما ایتدیرلدیكندن، دلكیر اولمغله، هم بونك انتقامنی آلمق و همده علویلردن بر خلیفه نصب ایتمك امید بالطلیله، هلاكویی بغدادك ضبطنه تر غیب و تشویق، و خلیفه یی دخی عسكرینی آزالتمغه اقناع ایده رك، مغول اردوسنی بغدادك خارجنه كتوردكدن صكره، خلیفه یه هلاكو طرفندن مقام خلافتده ابقا اولنه جغنی، و هلاكونك كندی قیزینی خلیفه نك اوغلی ابو بكره ویره جكنی ایناندیره رق، رسم نكاحك اجراسی بهانه سیله كندیسی بتون و كلاواعیان و علما و فقهایی جمغ ایله، هلاكونك اردوكاهنه كوتورمش؛ و اوراده مغوللر جمله سنی قتل ابتدكدن صكره، بغداده كیروب شهری غارت و تخریب، و بتون اهالی یی قتل عام ایتمشلردر. ابن علقمی خاىٔنی دخی مغوللردن یوزكورمیوب، تحقیر اولندیغندن، مأیوسیت و محبوبیتندن بر سنه صكره یعنی ٦٥٧ سنه سی اواىٔلنده فوت اولمشدر. هلا كویی بغدادك فتحنه دعوت ایچون غریب بر طریق بولوب، بر كوله نك باشنی تراش ایتدیرمش، و اوزرینه ایكنه و كحل ایله یازه جغنی یازدقدن صكره، صاچی كلنجه یه قدر اوندن چیقارمامش، و بعده و صولده باشنی تراش ایتملرینی اخطار ایتمك تنبیهیله كندیسنی محل مقصوده كوندرمشیدی. حتی باشنك

بر طرفنه ده ((مكتوبی اوقودقدن صكره ییرتك)) مآلنی یازمش اولدیغندن، زواللی كوله باشنده كی یازی اوقوندقدن صكره، مغوللر طرفندن درحال قتل اولنمشدر.