İbni Uneyn - ابن عنين

(شرف الدین ابو المحاسن محمد بن نصر الدین انصاری) مشاهیر شعرادن اولوب، پدری كوفه لی اولدیغی حالده، كندیسی ٥٤٩ تاریخنده دمشقده طوغمشدر. شعرك انواع مختلفه سنده بینظیر و ادبیات و تاریخ وساىٔر علومده ماهر ایدی. دمشق رؤساسنك ذمی حقنده ((مقراض الاعرا)) عنوانیله مفصل بر قصیده سویلمش الدیغندن، صلاح الدین ایوبی طرفندن یمنه نفی اولنمش؛ و اورانك صاحبی طغتكینی مدح ایله، آلدیغی جاىٔزه لردن بر خیلی مبلغ‌ طوپلایه رق، اجرای تجارته باشلامشیدی. صلاح الدینك وفاتندن صكره، شامك محاسننی و غربتك مشاقنی و وطننه اولان شوق و اشتیاقنی مصور اولان مشهور قصیدۀ راىٔیه سنی یازه رق، ملك عادله تقدیم ایتمكله، شامه دخول ایتمسنه مساعده اولنمش؛ و بعده جزیره، عراق، خراسان، خوارزم، ماورا‌ء النهر،‌غزنه‌هندستانه قدر بر سیاحت ایتدكدن صكره، شامه عودتله، اكابر عتدنده فوق العاده حرمت اعتباره ناىٔل اوله رق، حتی ملك معظمك اواخر سلطنتیله ملك ناصرك انتدای سلطنتنده مسند وزارتی احراز ایتمشیدی. بعده ملك اشرف طرفندن عزل ولنه رق، بقیۀ عمرینی عزلتده كچیرمش؛ و ٦٣۰ تاریخنده وفات ایتمشدر. لغته دىٔر ((مختصر الجمهره)) عنوانیله بر اثری ((تاریخ العزیزی)) اسمیله بر تألیفی واردر. دمشقدن نفیه كیدر كن سویلمش اولدیغی شو قطعه جملۀ اشعارندندر :

فعلام ابعد تم اخأثقة لم یقترف ذنبا ولا سریقا انفوا المؤذن من بلاد كم ان كان ینفی كل من صدقا