İbni L Amid - ابن العميد

(ذو الكفایتین ابو الفتح علی بن ابی المفضل) آنف الترجمه نك اوغلی اولوب، پدری طرفندن تعلیم وتربیه اولنمش اولمغله، وفاتنده یرینه كچوب، ركن الدینك امور سیفیه و قلمیه سنی اداره ایتدیكیچون، (ذوالكفایتین) لقبیله تلقیب اولنمش؛ و بیوك بر نفوذ واقتدار قزانمشیدی. ركن الدینك وفاتندن صكره، اوغللری عضد‌ الدوله و مؤیدالدوله طرفندن ابتدا وزارتده ابقا اولنمش ایسه ده، بعده املاكی مصادره اولنه رق، كندیسی دخی اموال مكتومه سنی سویلمك ایچون انواع عقوباتله اعدام اولنمشدر. بو دخی ادیب و منشی و شاعر اولوب، شو قطعه جملۀ اشعارندندر : سكن الدنیا اناس قبلنا رحلوا عنها و خلوهالنا ونز لناها كما قد نز لوا و نخلیها لقوم بعدنا