İbrahim Mensur - ابراهیم منصور

عن اصل (سرفبر) اسمنده آلساسلی بر یهودی اولوب، فرانسه نك هوسار عسكرنده خدمت ایتمش؛ و بعده مصرده بولنان بیوك بوناپارته بعض مكتوبلر كوتورمكه مأمور اولوب، انكلیزلرك الینه دوشمكله، فیما بعد قرال طرفداری اولمشیدی. بو سببدن فرانسه ده طوره میوب، درسعادته كلمش؛ و سلطان سلیم ثالث حضرتلری طرفندن تشكیل اولنمش اولان عثمانلی منتظم عسكرینه داخل اولوب، دین اسلامی دخی قبول ایتمكله، ابراهیم منصور تسمیه اولنمشیدی. مؤخراً ینه فرانسه یه عودت ایتمش ایسه ده، تعقیبدن قورتله مدیغندن، بر مدت آوروپانك شمال طرفلرنده سیاحت ایتمش؛ و بعده میلادك ١٨١۰ تاریخلرنده آرناؤدلغه كله رك، تپه دلنلی علی پاشانك خدمتنه كیرمش؛ و مشارالیه كندیسنه تأسیس ایتمش اولدیغی طوبخانه نك اداره سنی و عسكرینك نوعما اصول جدیده اوزره تنظمینی احاله ایتمشدی. صاحب ترجمه علی پاشانك مطالم و افعال غیر لایقه سندن بیزار و متنفر اولوب، كوح حال ایله یاقه یی الندن قورتاره بیلمش ایسه ده، فرانسه یه عودتنده ضرورته دوچار اولوب، سفالتده جان ویرمشدر. ((تپه دلنلی علی پاشانك تحت اداره سنده بولنان آرناؤدلق ویونان)) عنوانیله فرانسز-

جه یازمش اولدیغی كتابده تپه دلنلی یی پك فنا بر صورتده تصویر ایدیور، و بو بابده كی غرض و نفسانیتیله برابر مسلمانلغنك دخی جعلی اولدیغنی كوستریور.