İbrahim Nİzam ~ ابراهیم نظام
Kamus-ul'Alam - İbrahim Nİzam ~ ابراهیم نظام maddesi. Sayfa: 584 - Sira: 11
İbrahim Nİzam - ابراهیم نظام
(ابو اسحاق _ بن سیار) بصره نك قدمای علماسندن واىٔمۀ معتزله دن اولوب، علم كلامده و الهیات و طبیعیات وساىٔر علوم عقلیه و نقلیه ده متبحریندن ایدی، و فلسفه یه متعلق كتب كثیره مطالعه ایتمشیدی. حتی افكار فلسفه یی علم كلامه تطبیق و توفیق ایده بیلمك ایچون، بوكا دها مساعد اولان اعتزالی اختیار ایتمشیدی. صغر سنندن كثرت ذكا و فصاحت لسانله شهرت بولوب، علم كلامی ابو هذیل علافدن اخذ و قراىٔت ایتمش؛ و خلیفه معتصمك زماننده كسب صیت و شهرت ایده رك، حلقۀ تدریسنه پك چوق طلاب علم تجمع ایتمكه باشلامشیدی. خواجه سی اولان مذكور ابو هذیل ایله وساىٔر معاصرین علما ایله پك چوق مناظره لری واردر. ١٢١ تاریخنده ٣٦ یاشنده ایكن ارتحال ایتمشدر. سلیس و رقیق اشعاری اولوب، شو قطعه او جمله دندر :
یا تاركاً جسدی بغیر فوأدی اسرقت فی الهجران و الابعاد ان كان یمنعك الزیارة اعین فادخل الیّ بعلة العواد ان العیون علی القلوب اذاجنت كانت بلیتها علی الاجساد
Kamusul Alam, Şemseddin Sami; Kamusul Alamde İbrahim Nİzam maddesi. osmanlıcada İbrahim Nİzam ne demek, İbrahim Nİzam anlamı manası, İbrahim Nİzam osmanlıca nasıl yazılır. Osmanlıca sözlükte İbrahim Nİzam hakkında bilgi. Arapça İbrahim Nİzam ne demek. Arapça osmanlıca sözlük. Farsçada İbrahim Nİzam anlamı
Kamusul Alamde - ابراهیم نظام İbrahim Nİzam maddesi. Şemseddin Sami, Kamusul Alam Ansiklopedisi