İbrahim Musli - ابراهیم موصلی

عرب مدنیتی زماننك اك مشهور مغنیسی اولوب، خلفای عباسیه وساىٔر اكابر زمانیله و علی الخصوص ابراهیم بن مهدی ایله اولان ماجرا و وقایع و نواد و حكایاتی مشهوردر. پدری عن اصل ایران كبراسندن اولوب، كوفه یه هجرت ایتمش؛ و صاحب ترجمه ١٢٥ تاریخ هجریسنده كوفه ده طوغوب، مدت مدیده موصلده اقامت ایتدیكندن، شهر مذكوره نسبتله یاد اولنمقده در. ندیم موصلی اسمیله دخی شهرتی واردر. خلفادن اك اول ابراهیم موصلینك سسنی دیكلین مهدی بن منصور اولمشدر. سسنك كوزللكنده و الحان ایجادنده و اشعاره بسته لر ترتیبنده مثلی نامسبوق اولوب، عالم اسلامده كندیسندن صكره دخی مثلی كلمه مشدر. كندیسی تغنی ایدوب، قاینی اولان (منصور زلزل) مضربلك ایتدیكی وقت حضار مجلس عادتا غشیه كلیرمش، هارون الرشید تغشق ایتمش اولدیغی بر جاریه سیله طارغین اولدیغی حالده، ابراهیم موصلی حضورنده جعفر بر مكینك (ابن احنف) نام شاعره اولبابده سویلمش اولدیغی ایكی بیتی خوش الحان ایله اوقوبنجه، هارون او قدر متأثر اولمش، كه درحال جاریه ایله باریشمش؛ و كرك جاریه كرك كندیسی ابراهیمه ورفیق غیر مفارقی اولان (زلزل) ە بیوك احسانلر ویرمشلردی. صاحب ترجمه نك طبیعت شعریه سی دخی اولوب، مهدینك امریله محبسه قونلمش اولدیغی حالده، سویلمش اولدیغی شو قطعه جملۀ اشعارندندر : الا طال لیلی اراعی النجوم اعالج فی الساق كبلا ثقیلا بدار الهوان و شر الدیار اسام بها الخسف صبراً جمیلا كثیر الاخلاء عند الرخاء فلما حبسست اراهم قلیلا لطول بلاىٔی مل الصدیق فلا یأ منن خلیل خلیلا بو حبسنك خلیفه نك اوغللری موسی وها-

رونك یاننده تغنی ایتمسی اولوب، بر دها اونلره تغنی ایتمه مك تعهدیله، حبسدن چیقارلمشدر. ١٨٨ و دیكر برروایته كوره ٢١٣ سنه سنده قولتج علتندن بغداد ده وفات ایتمشدر. اوغلی اسحاق شعرادندر.