İbrahim Lakani - ابراهیم لقانی

مصرك اون برنجی قرن هجری مشاهیر علماسندن اولوب، فقه و حدیث و علم كلامده ید طولی صاحبی اولدیغی كبی، تصوف و طریقتدن دخی بهره مند ایدی. كندیسنك شرافتی اولدیغی حالده، تواضعاً اظهارندن امتناع ایدردی. كیمسه یه كیتمیوب، تدریس و افاده و تألیفله امرار اوقات ایتدیكی حالده، كمال فضل و عرفان و وقارندن طولایی اولیاء امور عندنده نفوذ و حیىٔیتی بركمال اولوب، احقاق حق ایچون شفاعتی مسموع ایدی. مساىٔل شرعیه ده مشكلاتی اولانلر هر طرفدن كندیسنه مراجعت ایدرلردی؛ و كندیسی عمونك حلال مشكلاتی اولمشیدی. بر طاقم نافع كتابلر تألیف ایتمكله، هر كس استنساخلرینه رغبت ایدردی. بو جمله دن بری عقاىٔره داىٔر ((جوهرة التوحید)) نام منظرمه در، كه مرشدی بولنان شیخ شرنوبینك امرواشارتیله بر كیجه ده یازمشدر. دیكر اثرلرینك باشلیجه لری شونلردر : ((توضیح الفاظ الاجرومیه ))، ((قضاء الوطر نزهة النظر فی توضیح نخبة الاثر المحافظ ابن حجر ))، ((اجمال الوساىٔل و بهجة المحافل بالتعریف برواة الشماىٔل ))، ((منار اصول الفىٔوی وقواعد الافتاء بالاقوی))، ((عقد الجمان فی مساىٔل الضمان)) ، ((نصیحة الاخوان باجتناب شرب الدخان))، ((حاشیة علی مختصر خلیل))، ((كتاب التحفة الدریه علی ابهلول باسانید جوامع احادیث الرسول)). بونلردن بشقه دها بر قاچ كتابك تحریرینه باشلامش ایسه ده، اتماملرینه موفق اوله مامشدر. اختیارلغنده ((نثر المآثر فی من ادرك من القرن العاشر )) عنوانیله قرن مذكور مشاهیرینك تراجمنی جامع بر رساله تألیف ایتمشدر. ١۰٤١ تاریخنده حجدن عودتنی متعاقب

ارتحال ایتمشدر. طبیعت شعریه سی دخی اولوب، بعص كوزل قصاىٔدی واردر. شو ایكی بیت مدح رسول الله (صلعم) حقنده سویلمش اولدیغی بر قصیده سندندر : یا اكرم الخلق فد ضاقت بی السبل وضاقت عظمی و غایت عنی الحیل ولم اجد من عزیز استجیر یه سوی رحیم یه تستشفع الرسل